Vörlaag:Hööftsiet/utwählt Artikel dissen Maand/2019-09
De Rootkoppgoos (Chloephaga rubidiceps) is en Vagel ut de Familie vun de Aantenvagels. Dor warrt se to de Halfgöse rekent.
De Deerter weert um un bi 45 bit 50 cm groot. De Vagel hett en bruunroden Kopp un en bruungraue Bost. Up de Flanken finnt sik regelmatige Dwarsstriepen.
De Vagels swemmt man bloß hen un wenn mol. Eenmol in’t Johr leggt se 4 bit 11 Eier in ehr Nest in’t hoge Gras.