Utwiesen Minnerung

Vun Wikipedia
Wesseln na: Navigatschoon, Söök

Mit de Utwiesen Minnerung [1] kriggt een in dat Rekenwesen vun Bedrieve de Weertminnerung vun Gegenstänn ut dat Vermögen vun düsse Bedrieve to faat, egolweg, of de nu na Plaan oder buten Plaan tostann kamen sund.[2] De Utwiesen Minnerung stimmt overeen mit den Weertverlust vun en Unnernehmen (Anlaagvermögen un Umloopvermögen). De Weertverlust kann allgemeene Grünn hebben, t.B. wenn Gegenstänn öller weert oder versleten sund, man dat he kann ok sunnerliche Oorsaken hebben, as en Unfall oder dat Afsacken vun de Priese. De Utwiesen Minnerung warrt meist ut de Sicht vun'e Bedriefsweertschop utfunnen un denn bi dat Utreken vun den Winnst as Kosten aftrocken. Dor weert sunnerliche Aspekte vun dat Hannels- un Stüerrecht nich bi vergeten. Dat Gegendeel vun de Utwiesen Minnerung is de Utwiesen Vermehrung. Se kann en Rull spelen, wenn in dat vörige Johr de Utwiesen Minnerung to hooch ansett wurrn is. Utwiesen Minerungen gaht torüch up den Effekt vun Kapitalvergröttern un Kapitalfreesetten (Lohmann-Ruchti-Effekt), de toeerst vun Karl Marx un Friedrich Engels beschreven wurrn is. [3]

Belege[ännern | Bornkood ännern]

  1. Beleg for dat Lemma hier: Ratssitzung auf Platt
  2. Stichwort Abschreibung im Gabler Wirtschaftslexikon
  3. Joachim Süchting (1995): Finanzmanagement: Theorie und Politik der Unternehmensfinanzierung. Gabler, Wiesbaden.