Tonegawa Susumu

Vun Wikipedia
Tonegawa Susumu

Tonegawa Susumu (japaansch Schrift: 利根川 進 Tonegawa Susumu; * 6. September 1939 in Nagoya) is en japaansch Molekularbioloog un Immunoloog. He kreeg 1986 den Robert-Koch-Pries un 1987 den Nobelpries för Physiologie oder Medizin för dat Opdecken vun de genetisch Grundlaag för dat Entstahn vun dat Variatschoonsriekdom vun Antikörpers.

Leven[ännern | Bornkood ännern]

Tonegawa wurr 1939 as Söhn vun en Ingenieur vun en Textilfabrik boren. He is de tweete vun dree Söhns un hett noch en jüngere Süster. Wegen sien Berop muss Tonegawa sien Vader jümmer vun en Produkschoonsoort vun sien Arbeitgever nah de nächst trecken. Tonegawa is dordör in mehreren lütt Städer in landlich Rebeden upwussen. As he öller wurr, hebbt hüm sien Öllern nah Tokio to en Unkel schickt, dormit he de betere Bildungsmöglichkeiten von en Grootstadt nutzen kunn. Tonegawa hett denn de renommeert Hibiya-School besöcht, in de he en Intresse för Chemie entwickeln de. Nah de Schoolafsluss hett he denn an de Upnahmeprüfung för de Fakultät för Chemie vun de Universität Kyōto deelnommen. Nahdem he bi den eersten Versöök dörfallen weer, kreeg he 1959 en Studienplatz.

Nah sien Studienafsluss kreeg Tonegawa en Stäe, an de he sien Dokter maken kunn an dat Institut för Virusforschung vun de Universität vun Kōbe, aber blots nah twee Maanden hett hüm sien Perfesser anraaden, wegen de beteren Lehrprogrammen in de USA to wesseln. De Gradueerten School vun de Fakultät för Biologie vun de Universität von Kalifornien in San Diego nehm hüm an un 1968 kreeg Tonegawa sien Doktertitel (Ph.D.). He bleev dornah bit 1969 an dat Labor vun Professor Hayashi as Postdoktorand un gung denn an dat Labor vun Renato Dulbecco an dat Salk Institute for Biological Studies. As sien Visum afloopen de, is he denn an dat Basel Institut für Immunologie wesselt un weer dor van 1971 bit 1981. Denn nehm he en Perfesserstäe an dat MIT an, de he hüüt noch hett.

Weblenken[ännern | Bornkood ännern]