Thomas Reiter

Vun Wikipedia
Thomas Reiter 2008

Thomas Arthur Reiter (* 23. Mai 1958 in Frankfort an’n Main) is en düütschen Ruumfohrer un Suldat.

He is as Pilot bi de Luftwaffe un hett bi de Bundswehr ok studeert un is siet 1982 Diplomingenieur. 2010 is he todem noch Ehrendokter wurrn.

1992 is he utsöcht wurrn, um för de ESA as Ruumfohrer insett to wurrn. 1995 is he all mit dat Ruumschipp Sojus TM-22 nah de Ruumstatschoon Mir flogen un hett denn tosommen mit de Kosmonauten Juri Gidsenko und Sergej Awdejew 179 Dag in’t All arbeid. As eerste Düütsche hett he in disse Tiet twee Mal de Statschoon verlaaten un sogenannte Ruumspazeergänge makt, wat aber nix mit Freetiet to dohn hett, sonnern düchtig hart Arbeid is.

Dornah hett he noch een Prüfung afleggt, dormit he ok een Sojus-Ruumschipp flegen kann.

In Juli 2006 is he denn nochmals in’t All flogen, dit Mal mit de Amerikaaners un dat Shuttle STS-121. Dit Mal weer de Internatschonale Ruumstatschoon (ISS) dat Ziel. Ok hier hett he weer in Rummspazeergang ünnernommen. Nah 166 Dag weer disse Mission ok to Enn un he is nu van West-Europa de Ruumfohrer mit de meeste Floogtiet.

Thomas Reiter is verheiraad un hett twee Söhns. He leevt in Raastäe in Neddersassen.

Utteknungen[ännern | Bornkood ännern]

In dat Johr 2007 wurr Thomas Reiter mit de Bundsverdeenstkrüüz uttekent. 2008 kreeg he de Bayerische Europa-Medaille. An' 28. Juni 2010 kreeg he den Ehrendokter vun de Universität vun de Bundswehr München.

Weblenken[ännern | Bornkood ännern]