The Three Degrees

Vun Wikipedia
Wesseln na: Navigatschoon, Söök
The Three Degrees (1974)

The Three Degrees sünd en wievlich Soultrio. In de 1970er Johren hemm se den Phillysound präägt un harrn ehrn gröttsten Spood mit When Will I See You Again.

Karriere[ännern | Bornkood ännern]

To de Grünnensliddmaaten hörrn Linda Turner, Shirley Porter un Fayette Pickney (10. Januar 1948 – 27. Juni 2009). Se wurrn 1963 in Philadelphia vun den Produzenten Richard Barrett opdeckt, de hör eerste Single Gee Baby (I'm Sorry) schreev. 1963 hemm Linda Turner un Shirley Porter de Grupp verlaaten un wurrn dör Janet Jones un Helen Scott ersett. 1966 is Helen Scott weer utscheeden, för hör is Sheila Ferguson (* 8. Oktober 1947) nahrückt. 1967 hett ok Janet Jones de Grupp weer verlaaten un wurr dör Valerie Holiday ersett. 1970 harrn se ehrn eersten US-Hit mit Maybe. De nahfolgende Song I Do Take You reck Platz 7 vun de R&B-Charts.

De Grupp weer as Konkurrenz-Formatschoon to de Supremes vun de US-Plattenfirma Motown Records ut Detroit, Michigan docht. 1971 harr de Grupp en Gastupträe in den Film The French Connection mit Gene Hackman. In dat sülvig Johr sünd se in dat Biprogramm vun de Tournee vun Engelbert Humperdinck uptreeden.

Hör groot Karriere fung 1973 an, as se en Verdrag mit dat Philadelphia-International-Records-Label (PIR) ünner Kenny Gamble un Leon Huff afsluuten deen. Hör eerst Hitsingle weer Dirty Ol' Man. Gemeensam mit dat Orchester MFSB nehmen se as Backgroundsingerinnen den Song TSOP (The Sound Of Philadelphia) up, de sück 1974 twee Week up Platz 1 vun de R&B-Charts hull. To glieker Tiet steeg de Song Year Of Decision de Charts hooch. In' Sömmer 1974 keem de Song When Will I See You Again herut, de en Platin-Utteeknung kreeg. Enn' vun dat Johr keem bi PIR hör Debütalbum herut. 1976 hett Fayette Pickney as letzt Oorsprungsliddmaat de Grupp verlaaten un Helen Scott kehr torüch.

Prinz Charles, bekennen Fan vun de Grupp, hett de Grupp 1978 för en Upträe to'n Anlaat vun sien 30. Gebortsdag in den Buckingham Palace inlaaden.

Bit Anfang vun de 1980er Johren hett de Grupp wiedere Alben rutbrocht, bit 1986 Sheila Ferguson utscheeden is, för de Victoria Wallace nah keem. In de 1990er Johren hemm Helen Scott un Valerie Holiday gemeensam mit Cynthia Garrison noch wiedere Alben upnommen. In' Januar 2011 wurr Cyntha Garrison, de an dat Piriformis Syndrom krank wurrn weer, dör Freddie Pool, ersett.

Liddmaaten un Tietruum[ännern | Bornkood ännern]

1963 1963–66 1966–67 1967 1967–76 1976–86 1986 1986–87 1987–88 1988–89 1989–2010 2011–hüüd
Fayette Pinkney Fayette Pinkney Fayette Pinkney Fayette Pinkney Fayette Pinkney Helen Scott Miquel Brown Helen Scott Helen Scott Helen Scott Helen Scott Helen Scott
Linda Turner Janet Harmon Janet Harmon Sundray Tucker / Sonia Goring Valerie Holiday Valerie Holiday Valerie Holiday Valerie Holiday Valerie Holiday Valerie Holiday Valerie Holiday Valerie Holiday
Shirley Porter Helen Scott Sheila Ferguson Shelia Ferguson Sheila Ferguson Sheila Ferguson Sheila Ferguson Vera Brown Rhea Harris Victoria Wallace Cynthia Garrison Freddie Pool
  • Sundray Tucker (Cindy Scott) weer kört in dat Trio in 1967 (mit Ferguson un Pinkney) as ok Sonya Goring vun de Grupp The Chantels, de ok an en paar Shows wiels dat sülvig Johr deelnommen hett, bevör se dör Valerie Holiday ersett wurr, de immer noch to de Grupp hörrn deiht.
  • Miquel Brown hett Scott wiels hör Schwangerschaft 1986 vertreeden (tosommen mit Ferguson un Holiday)

Diskografie[ännern | Bornkood ännern]

  • 1970 Maybe
  • 1972 So Much Love
  • 1973 The Three Degrees
  • 1975 Take Good Care Of Yourself (ok bekannt as „With Love“)
  • 1975 International (Japan)
  • 1975 The Three Degrees LIVE
  • 1976 A Toast Of Love (Japan)
  • 1976 Live In Japan
  • 1977 Standing Up For Love
  • 1978 New Dimensions
  • 1979 3D
  • 1979 Greatest Hits
  • 1980 Gold (Compilation, Studio & Live)
  • 1985 Album Of Love
  • 1985 Live In The UK
  • 1989 …and Holding
  • 1992 The Complete Swan Recordings (1965 & 1966, un 2 unveröffentl. Leeder)
  • 1993 Out Of The Past – Into The Future
  • 1995 The Roulette Years (1970 & 1971)
  • 1998 Christmas With The Three Degrees

Utteknungen[ännern | Bornkood ännern]

RSH-Gold

  • 1994: in de Kategorie „Comeback des Jahres“[1]

Enkeld Nahwiesen[ännern | Bornkood ännern]

  1. RSH-Gold Verleehen 1994

Weblenken[ännern | Bornkood ännern]