Telesphorus

Vun Wikipedia
Wesseln na: Navigatschoon, Söök

Telesphorus (* in Grekenland; † 136 oder 137 in Rom) vun um un bi 125/126 bit um un bi 136/137 Bischop vun Rom ween. Dat weer to de Tied, as Hadrian Kaiser vun Rom weer.

Allerhand Traditschonen in de christlichen Karken schöllt vun em in Gang brocht ween sien. Dor höört de Goddsdeenste to Wiehnachten in de Middernacht to, un ok, datt Paaschen up'n Sönndag fiert warrt, datt seven Weken vör Paaschen Fastentied inholen warrt un datt in'e Karken dat Gloria sungen warrt. Man of dat ok würklich stimmt, dat warrt vun Historikers betwiefelt.

Irenäus vun Lyon schrifft, Telesphorus weer en Marteler ween. In de kathoolsche Karken liggt sien Festdag up'n 5. Januar, in de Orthodoxe Karken is he an'n 22. Februar.

De Karmeliters verehrt em as en Schutzhilligen. He schall up'n Barg Karmel as en Eremieten leevt hebben.

Vörgänger Amt Nafolger
Sixtus I. Bischop vun Rom De Beteknung Paapst geev dat eerst af 384.
125/126 - um un bi 136/137
Hyginus (Bischop vun Rom)

Weblenken[ännern | Bornkood ännern]