Tatjana Borissowna Awerina

Vun Wikipedia
Wesseln na: Navigatschoon, Söök

Tatjana Borissowna Awerina (russ.: Татьяна Борисовна Аверина; * 25. Juni 1950 in Nischni Nowgorod; † 22. August 2001) weer en russisch Iesflinklöperin.

Bi de Olympisch Winterspelen 1976 in Innsbruck wunn se de Goldmedaille över 1000 Meter un 3000 Meter. Över 500 Meter un 1500 Meter keem se dorto ok noch up den 3. Platz. Bi de Olympisch Winterspelen 1980 in Lake Placid weer se ok an’ Start, hett aber kien Medaille wunnen.

Se hett in hör aktiv Tiet ok noch ölven mol verscheeden Weltrekorde verbetert. In de Johren 1974 bit 1976 kreeg se bi de Weltmeesterschapen in’ Mehrkamp jeweils de Sülvermedaille, 1978 wurr se aber denn doch Weltmeesterin. Een Johr later wurr se sowjetisch Mehrkampmeesterin. Natschonale Titel harr se all in de Johren 1973 bit 1975 wunnen, as se jeweils den Sprinttitel holen dee.