Steve Lacy

Vun Wikipedia
Wesseln na: Navigatschoon, Söök
Steve Lacy (rechts) mit Misha Mengelberg (an’t Piano) beim NDR Jazzworkshop, 1972.
Foto: Heinrich Klaffs.

Steve Lacy (* 23. Juli 1934 in New York City as Steven Norman Lackritz; † 4. Juni 2004 in Boston), weer en US-amerikansch Jazz-Musiker (Sopransaxophonist, Bandleader un Komponist).

Leven un Wark[ännern | Bornkood ännern]

Lacy gellt as en vun de herutragendsten Solisten up sien Instrument. He hett bi Meesters vun den Dixieland Jazz as Henry "Red" Allen, George "Pops" Foster un Zutty Singleton lehrt un hett later mit Kansas-City-Jazz-Musiker as Buck Clayton, Dicky Wells un Jimmy Rushing speelt. In de 1950er Johren hett he sück den Modern Jazz towendt un entwickel sück in de Loop vun de 1960er Johren to en bedüüdend Avantgardisten vun den Jazz. He speel mit den Free-Jazz-Pionier Cecil Taylor, den Arrangeur un Bandleader Gil Evans (The Individualism of Gil Evans, 1963/64) un den Pianisten un Komponisten Thelonious Monk un Mal Waldron tosommen. Monk sien Wark nimmt in dat Schaffen vun Steve Lacy en besünner Stellung in He hett de Stücken vun Monk all fröh un intensiv studeert un immer weer in de Loop vun sien Karriere speelt; ok sünd eenig Platten blots dat Wark vun Monk widmet un deelwies gemeensam mit Roswell Rudd, Kent Carter, Misha Mengelberg oder mit Mal Waldron inspeelt wurrn.

Nahdem Lacy um 1960 eenig Alben ünner eegen Naam rutgeven kunn, aber dorbi kien grooten finanziellen Spood harr, hett he sück Midden vun de 1960er Johren dorto entslooten, nah Europa ümtosiedeln. Nah eeenig Johren in Rom, wo he ok an de Grünnen vun dat Improvisationskollektiv Musica Elettronica Viva bedeeligt weer, is he nah Paris ümtrucken. He hett över 30 Johr vun sien Karriere in Europa verbrocht un hett in disse Tiet intensiv mit en fast Sextett arbeit. Dorneben hett he aber ok mit verscheedenst Musikers un Vertreder vun anner Künsten tosommenarbeit. Mit sien Sextett hett he ünner annern 1981 Gedichte vun Brion Gysin Songs. 1992 weer he MacArthur Fellow.

Um anner Sopransaxophonisten in sien Speelwies intoführen, hett Lacy 1994 en Lehrbook un twee CDs mit Übungsbispelen verapenlicht.

2002 kehr Lacy in de USA torüch, wo he an dat New England Conservatory of Music in Boston, Massachusetts, ünnerrichten dee. Een vun sien letzt apenlich Upträe harr he vör 25.000 Minschen in Boston in’ März 2002.

In’ August 2003 wurr bi Lacy Krebs faststellt. Bit kört vör sien Dood mit 69 Johren hett he sien Lehrtätigkeit fortsett. Lacy hett sien Ehefru un eng Mitarbeiterin, de Swiezer Singerin un Cellistin Irène Aebi achterlaaten.

Erhellender Woortwessel[ännern | Bornkood ännern]

Frederic Rzewski hett Lacy eenmal fraagt: Steve, erklär mir in zehn Sekunden den Unterschied zwischen Komposition und Improvisation. Un Lacy hett antwoort: Für zehn Sekunden Komposition hast du alle Zeit der Welt, für zehn Sekunden Improvisation - genau - zehn - Sekunden. Un disse Antwoort düer nipp un nau teihn Sekunn. [1]

Literatur[ännern | Bornkood ännern]

  1. Fredric Rzewski, Nonsequiturs. Schriften und Vorträge, Köln: Edition MusikTexte, 2007, Siet 51
  • Steve Lacy: Findings - My experience with the soprano saxophone, (Buch und Doppel-CD), CMAP/Éditions Outre Mesure, Paris, 1994, ISBN 2-907891-08-1

Weblenken[ännern | Bornkood ännern]