Spree (Oort)

Spree

Klass:	Vagels (Aves)
Ornen:	Passeriformes
Ünnerornen:	Singvagels (Passeri)
Familie:	Spreen (Sturnidae)
Ünnerfamilie:	Spreen (Sturninae)
Geslecht:	Sturnus

Wetenschoplich Naam

Sturnus vulgaris

Linnaeus 1758

De Spree (Sturnus vulgaris) is de Vertreder vun de Familie vun de Spreen (Sturnidae), de in Europa mit Afstand op’t mehrst vörkaamt. He is aber dennoch Vagel vun dat Johr 2018 in Düütschland un Öösterriek..

Utsehn

De Spree warrt 19 bet 22 Zentimeter groot. Se hett en gelen Snavel, de in’n Harvst bruner, bi’t Seken swartbruun warrt. Vun’n Harvst an hett se witte Tüppels (dat Seken duller), mit witte Feddersüüm, de denn in’t Vörjohr wedder weggaht.

Broot

De Spree brööd vun April bet Juli. Dat Nest boot se ut dröge Blääd, Spieren, Woddeln, Stroh, Hoor, Wull un Feddern in Höhlen (Boomhöhlen, Nestkastens, Felsspalten etc.). De Spree leggt veer bet söven Eier, de Bröödtiet duert twee Weken, de Tiet in de de Küken in’t Nest bleevt nochmal ene Week. Af un an brööd de Spree ok tweemal in een Johr.

Vörkamen

De Spree kummt in ganz Europa vör, vör allen in Kulturlandschoppen un Dörper. In Middel- un Noordeuropa is se blot in de Bröödtiet antodrepen, in Süüd- un Westeuropa un ok op Süüdiesland dorgegen dat ganze Johr. Se leevt in’n Winter in’n Middelmeerruum un in Noordwestafrika as ok in’t atlantische Westeuropa. De Spree is buterhalf de Bröödtiet temlich gesellig un kann denn faken in Swärm vun Hunnerte vun Vagels optreden.

Nohren

De Spree is en Allensfreter, de ünner annern Weekdeerten, Insekten, Frücht un Beeren fritt.

Kiek ok bi

List vun Vagels, mit allerhand plattdüütsche Vagelnaams un Naams ut de Naberspraken
Projekt: Deerternaams up Platt

Weblenken

Spree. Mehr Biller, Videos oder Audiodateien to’t Thema gifft dat bi Wikimedia Commons.