Slowaaksch Euromünten
De slowaaksch Euromünten sünd de vun de Slowakei in Umloop brocht Münten vun de gemeensam europäisch Währung Euro.
Am 25. November 2005 is de Slowakei den europäisch Wesselkursmechanismus II to en Leitkurs vun 1 EUR = 38,4550 SKK bitreden. Midden März 2007 wurr de Leitkurs up 1 EUR = 35,4424 SKK afsenkt. Noch en Afsenkung up 1 EUR = 30,1260 SKK geev dat an’ 29. Mai 2008. De Grund dorför weer dat kontinuierlich Anstiegen vun de Slowakischen Krone. An’ 5. April 2008 wurr bekannt, dat de Slowakei en Bitrittsandrag to de Eurozone to’n 1. Januar 2009 stellen will, wat vun de EU Kommission denn ok prüft wurr. An’ 7. Mai 2008 hett de EU-Kommission un de Europääsch Zentraalbank bekannt geven, dat de Slowakei to’n 1. Januar 2009 den Euro inführen kann. Disse Entscheedung wurr an’ 8. Juli 2008 up den EU-Gipfel in Brüssel vun de Finanzministers ut de EU offiziell bestätigt. An’ 1. Januar 2009 wurr de Euro to en Wesselkurs vun 1 EUR = 30,1260 SKK offiziell gesetzlich Betallmiddel in de Slowakei.
Umloopmünten
[ännern | Bornkood ännern]För dat Utsehn vun de nee Münten funn en apenlich Wettstriet statt. Wu dat afloopen is, kunn man up de Websteed vun de slowaaksch Natschonalbank sehn.[1][2]. De Wettstried hett in’ 2005 folgend Ergebnis brocht:
- Up de 1-, 2- und 5-Cent-Münten is de Barg Kriváň in de Hohe Tatra, dorstellt vun Drahomír Zobek, to sehn
- De Entwurf vun de 10-, 20- und 50-Cent-Münten stammt vun Ján Černaj un Pavel Károly. Up de Münten is de Borg Bratislava afbildt.
- Dat slowaaksch Wapen, dat Düppelkrüüz up dree lütt Bargen, dorstellt vun Ivan Řehák, is up de 1- un 2-Euro-Münten to sehn.
| 0,01 € | 0,02 € | 0,05 € |
|---|---|---|
| Barg Kriváň in de Hohe Tatra | ||
| 0,10 € | 0,20 € | 0,50 € |
| Borg Bratislava | ||
| 1,00 € | 2,00 € | Rand vun de 2-€-Münt |
| „SLOVENSKÁ REPUBLIKA * * *“ (Slowaaksch Republiek, en Steern, en Linnenblatt un noch en Steern) | ||
| Slowaaksch Wapen | ||
2-Euro-Gedenkmünten
[ännern | Bornkood ännern]Die Slowakei hett bit hüüd folgend 2-Euro-Gedenkmünzen utgeven:
- 2009: Europäisch Wertschaps- un Währungsunion 1999–2009
- 2009: 20. Johresdag vun den 17. November 1989, de Dag vun de Kamp för Freeheit un Demokratie (Samten Revolutschoon)
- 2011: 20. Johresdag vun dat Visegrad-Afkommen