Sidney Sheldon

Vun Wikipedia

Sidney Sheldon (* 11. Februar 1917 in Chicago, Illinois; † 30. Januar 2007 in Rancho Mirage, Kalifornien) weer een US-amerikaansch Schriever un Dreihbookschriever.

Leben un Wark[ännern | Bornkood ännern]

Sidney Sheldon fung sien literaasch Karriere an as he 20 Johr olt weer un in Hollywood Dreiböker överarbeiten de. Nah de Tweete Weltkrieg schreev he een paar Musicals för de Broadway, arbeit ober ok wiederhenn as Dreibookautor för de Metro-Goldwyn-Mayer- un Paramount-Studios in Hollywood. So hett he ok dat Annie Get Your Gun för de glieknaamig Spölfilm mit Howard Keel (1950) adapteert. Sien gröttste Erfolg harr he, as he 1947 för sien Arbeit för So einfach ist die Liebe nicht (The Bachelor and the Bobby-Soxer) een Oscar för dat beste Originaldreibook kregen hett. He weer ober ok noch as utföhrend Produzent (to’n Bispeel 1957 bi de Film The Buster Keaton Story) un as Spölbaas tätig.

Bezaubernde Jeannie[ännern | Bornkood ännern]

Neben sien völ Dreibööker för Spölfilms hett he ok twee Fernsehserien schreben. Een dorvan weer Bezaubernde Jeannie (I dream of Jeannie). Sheldon schreev neben de Grundidee ok de Vörlaagen för 55 van 139 Folgen (u. a. ünner de Pseudonyme Mark Rowane, Christopher Golato und Allan Devon) un weer ok Produzent. Die Serie leep van 1965 bit 1970, kreeg 1985 un 1991 noch een Fortsetzung in Spölfilmlängt un weer Vörbild für een Tekentrickserie (1973).

Hart aber herzlich[ännern | Bornkood ännern]

1978 hett he de Krimiserie Hart aber herzlich (Hart to Hart) üm dat Millionärsehepaar Jonathan und Jennifer Hart (spölt van Robert Wagner un Stefanie Powers) un de ehr Chauffeur Max (spölt van Lionel Stander), de to’n Tietverdreev Kriminalfälle löst, inföhrt. De Serie wurr van 1979 bit 1984 produzeert. Tüschen 1993 un 1996 hebbt se dorvan ok noch 8 Spölfilme van makt.

Bööker[ännern | Bornkood ännern]

Eerst as he all över 50 Johr olt weer, is he anfungen Bööker to schrieben. För sien eerst Book, Das nackte Gesicht (The Naked Face) kreeg he de renommeerte Edgar Allan Poe Award der Mystery Writers of America. 1984 hebbt se de Roman mit Roger Moore in de Hööftrull verfilmt. Vör allem sien Krimis hebbt sük bannig good verkoopen laten. Wiels sien Bööker so good verköfft un översett wurrn sünd, hett he dorför sogor mal een Indrag in dat Guinness-Buch der Rekorde kreegen

Völ van sien Bööker sünd verfilmt wurrn, so as Jenseits von Mitternacht 1977 mit Susan Sarandon, Blutspur 1979 mit Audrey Hepburn un James Mason, Zorn der Engel 1983 mit Jaclyn Smith, Diamanten-Dynastie 1984 as Mini-Serie mit Dyan Cannon un Donald Pleasence, Das nackte Gesicht 1984 mit Roger Moore, Rache ist ein süßes Wort 1986 as Mini-Serie mit Tom Berenger, Im Schatten der Götter 1988 mit Robert Wagner, Im Schatten der Macht 1991 mit Jane Seymour un Omar Sharif as ok Die Pflicht zu schweigen 1995 as Mini-Serie mit Brooke Shields.

Sidney Sheldon weer in de eerste Ehe mit de Schauspeelersche Jorja Curtwright verheiraat, de 1985 stürben is. 1989 hett he nochmol heiraat. Am 30. Januar 2007 is he an een Lungenentzündung stürben.


Utteknungen un Nomineeren[ännern | Bornkood ännern]

  • 1947 Oscar as best Autor van een Originaldreibook för So einfach ist die Liebe nicht (The Bachelor and the Bobby-Soxer)
  • 1949 WGA Award (Writers Guild of America) för dat best Musical (Easter Parade)
  • 1951 WGA Award för dat best Musical (Annie Get Your Gun)
  • 1959 Tony Award för dat best Musical (Redhead)
  • 1969 Edgar Allan Poe Award för dat best Eerstlingswark (Das nackte Gesicht)
  • Emmy-Award-Nomineeren för de best Fernsehserie (Bezaubernde Jeannie (I dream of Jeannie)

Warken[ännern | Bornkood ännern]

Bööker[ännern | Bornkood ännern]

  • 1970 Das nackte Gesicht (The Naked Face)
  • 1973 Jenseits von Mitternacht (The Other Side of Midnight)
  • 1976 Ein Fremder im Spiegel (A Stranger in the Mirror)
  • 1977 Blutspur (Bloodline)
  • 1980 Zorn der Engel (Rage of Angels)
  • 1982 Diamanten-Dynastie / 100 Karat (Master of the Game)
  • 1983 Kirschblüten und Coca-Cola (The Chase)
  • 1985 Kalte Glut / Rache ist ein süßes Wort (If Tomorrow Comes)
  • 1987 Im Schatten der Götter (Windmills of the Gods)
  • 1988 Die Mühlen Gottes (The Sands of Time)
  • 1990 Schatten der Macht (Memories of Midnight)
  • 1991 Die letzte Verschwörung (The Doomsday Conspiracy)
  • 1992 Das Imperium (The Stars Shine Down)
  • 1994 Die Pflicht zu schweigen (Nothing Lasts Forever)
  • 1995 Das Erbe (Morning, Noon and Night)
  • 1997 Zeit der Vergeltung (The Best Laid Plans)
  • 1998 Das dritte Gesicht (Tell Me Your Dreams)
  • 2000 Wen die Götter strafen (The Sky Is Falling)
  • 2004 Der Zorn der Götter (Are You Afraid of the Dark?)

Dreibööker (Utwahl)[ännern | Bornkood ännern]

Sidney Sheldon schreev etwa 30 Dreibööker, u. a.:

  • 1941 South of Panama
  • 1941 Dangerous Lady
  • 1947 So einfach ist die Liebe nicht (The Bachelor and the Bobby-Soxer) (Oscar för dat best Dreibook)
  • 1948 Easter Parade (Screen Writers Guild Award)
  • 1950 Annie Get Your Gun (Screen Writers Guild Award)
  • 1957 The Buster Keaton Story (ok Regie un Produktschoon)
  • 1961 All in a Night’s Work
  • 1965 Bezaubernde Jeannie (I Dream of Jeannie)
  • 1977 Jenseits von Mitternacht (The Other Side of Midnight)
  • 1979 Hart aber herzlich (Hart to Hart)
  • 1979 Blutspur (Bloodline)
  • 1984 Das nackte Gesicht (The Naked Face)

Annere[ännern | Bornkood ännern]

Weblenken[ännern | Bornkood ännern]

Op Wikiquote gifft dat Zitaten to, över oder vun „Sidney Sheldon“ (hoochdüütsch).