Shuji Nakamura

Vun Wikipedia

Shuji Nakamura (japaansch:中村 修二, Nakamura Shūji; * 22. Mai 1954 in Seto, Ehime, Japan) is en japaansch Physiker un Entwickler vun de eerst blau Lüchtdiode (LED). He is Perfesser an de University of California, Santa Barbara un kreeg 2014 den Nobelpries för Physik.

Leven un Wark[ännern | Bornkood ännern]

Nakamura hett an de Universität Tokushima studeert un dor 1977 sien Bachelor-Afsluss un sluutend 1979 sien Master-Afsluss as Elektroingenieur maakt. Nah dat Studium bleev he in Tokushima un hett för de Firma Nichia arbeit. Af 1993 weer Nakamura Baas vun de Forschensafdeelen bi Nichia.

Wiels sien Tiet bi Nichia entwickel Nakamura de eerste bnnig hell Galliumnitrid-Lüchtdiode, de den Vördeel hett, blau Lucht aftostrahlen. Siet 1993 wurrn disse LEDs produzeert. 1994 wurr hüm vun de Universität vun Tokushima en Doktertitel tospraaken. Neben de blau GaN-LED entwickel Nakamura ok de gröön Indium-Galliumnitrid-Lüüchtdiode (InGaN-LED) un sluutend en witt LED. Mdden vun de 1990er entwickel he buterdem en blau Laser.

Nakamura hett Japan 1999 verlaaten un nehm en Stäe as Perfesser an de University of California, Santa Barbara in Santa Barbara an.

2001 hett Nakamura sien fröheren Arbeitgever Nichia verklaagt. Sien Prämie för de Entwicklung vun de GaN-LED vun 20.000 Yen (rund 150 Euro) keem hüm to leeg vör. Nakamura forder 20 Milliarden Yen (150 Millionen Euro) un hett tonächst ok wunnen. Nahdem Nichia in Beropen gahn weer, hemm sück beid Parteien up en Bonus vun 840 Millionen Yen (6 Millionen Euro) eenigt, de hööchste je in Japan betallt Prämie.

Siet 2004 is Nakamura Honorarperfesser an de Universität Bremen.[1]

Utteknungen[ännern | Bornkood ännern]

Publikationen[ännern | Bornkood ännern]

  • Shuji Nakamura, Gerhard Fasol, Stephen J. Pearton: The Blue Laser Diode: The Complete Story. Springer, 2000, ISBN 3-540-66505-6.
  • Shuji Nakamura, Gerhard Fasol: The blue diode laser - GaN light emitters and lasers. Springer, 1997, ISBN 3-540-61590-3.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Shuji Nakamura jetzt Honorarprofessor an der Uni Bremen: Großer Gewinn für den Wissenschaftsstandort Bremen. Pressemitdeelen to de Honorar-Professur in Bremen, 19. Februar 2004.
  2. WINNER: SHUJI NAKAMURA.
  3. Presseerklärung vun dat Nobelkomitees vun den Königlich Wetenschapsakadamie, nobelprize.org, afropen an' 9. Oktober 2014