Sexualhormon

Vun Wikipedia
Biosynthees vun de Steroidhormonen

As Sexualhormonen warrt de Hormonen betekent, de andeelig de Entwickeln vun de Gonaden, dat Utprägen vun de Geslechtsmarkmolen un de Sexualfunkschonen vun’n Lief stüern doot. Se stellt keen eenheitliche Stoffgrupp dor, man warrt wegen jemehr Funkschoonswies as Sexualhormonen klassifizeert. Dorto höört to’n Bispeel Steroidhormonen as ok sünnere Proteinen. In’n wieteren Sinn sünd dormit ok de överordenten Hormonen meent, de över dat Hypothalamus-Hypophysen-System de hormonellen Vörgäng stüert.

För dat ünnerscheedliche Entwickeln un för de ünnerscheedlichen sexuellen Funkschonen vun Heken un Seken sünd verschedene Hormonen tostännig. Liekers kann een nich vun geslechtsspezifische Hormonen snacken, vunwegen dat de bedeeligten Hormonen vun beide Geslechter produzeert warrt. De Ünnerscheed liggt vör allen in de verschedenen Mengden un Andeelen vun de produzeerten un fre’en Sexualhormonen as ok in de Reaktivität vun’n Lief, de bi de verschedenen Sexualhormonen stark wesselt.

Sexualhormonen bi de Fro[ännern | Bornkood ännern]

Hier sünd vör allen Östrogenen, Gestagenen un dat Pregna-4,16-dien-3,20-dion[1] bedeeligt.

Hypothalamus:

Hypophyys:

  • FSH (Follikelstimuleeren Hormon)
  • LH (Luteiniseeren Hormon)

Eierstöck:

Plazenta (Mudderkoken):

  • hCG (Swangerschopshormon)

Sexualhormonen bi’n Mann[ännern | Bornkood ännern]

Hypothalamisch-, Hypophysisch-, testikulär Hormonregelkreis bi’n Mann

Hier speelt de Androgenen de wichtigste Rull.

Hypothalamus:

Hypophyys:

  • FSH (Follikelstimuleeren Hormon)
  • LH (Luteiniseeren Hormon)

Klöten:

Künstliche Sexualhormonen[ännern | Bornkood ännern]

Syntheetisch tüügte Sexualhormonen gifft dat to’n een vun de Östrogenen un Gestagenen, de to’n Verhöden (Kontrazepschoon) insett warrt. Man, dat gifft ok Derivaten vun de Androgenen, de denn tomeist mit dat Teel vun’n Anabolismus innahmen warrt.

Borns[ännern | Bornkood ännern]

  1. D. L. Berliner, L. Monti-Bloch, C. Jennings-Ehite und V. Diaz-Sanches, J. Steroid Biochem. Molec. Biol. 58 (1996) 259.