Scifresh

Scifresh (in’n Hannel ünner den Markennaam Jazz to finnen) is en noch junge Sort vun’n Huusappel (Malus domestica), de ut Neeseeland stammt^[1]. Bi disse Clubsort, de siet 2003 kontrolleert op’n Markt bröcht warrt, hannelt sik dat üm en Krüüzen ut den sülvst noch teemlich jungen Braeburn un den Royal Gala.

Buten Neeseeland warrt de Appel ok in utwählte Rebeden in Europa un de USA anboet, vunwegen dat de Appel so dat hele Johr över to kriegen is^[2]. De Appel is in’n Hannel tomeist middelgroot mit en Deckfarv vun oraansch un root. Dat Fruchtfleesch is fast, de Smack is saftig un sööt, vunwegen dat de Appel mehr Sucker un weniger Süür as de Braeburn hett.

Na dat Jazzinstitut Darmstadt hett de Appel sien Naam vun den Tüchter kregen, vunwegen dat de geern Jazz höörn deit un de Appel so saftig smecken de, as en Solo vun Charlie Parker^[3].

Kiek ok

List vun de Appelsorten

Borns

↑ Bericht vun den Süüdtiroler Ring to’n Beraden för Aaft- un Wienbo (PDF; 150 kB)]
↑ S.K. Brown und K.E. Malony: Making Sense of New Apple Varieties, Trademarks and Clubs: Current Status (PDF; 317 kB) in: New York Fruit Quarterly. Vol. 17. Nr. 3 Herbst 2009 S. 10
↑ Jazzbreef vun’n November 2007

Weblenken

[süd-1] Bericht vun den Süüdtiroler Ring to’n Beraden för Aaft- un Wienbo (PDF; 150 kB)]

[bro10-2] S.K. Brown und K.E. Malony: Making Sense of New Apple Varieties, Trademarks and Clubs: Current Status (PDF; 317 kB) in: New York Fruit Quarterly. Vol. 17. Nr. 3 Herbst 2009 S. 10

[3] Jazzbreef vun’n November 2007

[1]

[2]

[3]