Schoolsport

Vun Wikipedia
Wesseln na: Navigatschoon, Söök
Turnreedschoppen, de in’n Schoolsport faken bruukt warrt

De Begreep 'Schoolsport faat all Aktivitäten tohopen, de in de School in’n Tosamenhang mit Bewegung un Sport utöövt warrt. Blangen de Sportünnerricht, de in de School Plicht is, tellt to’n Schoolsport ok freewillige Arbeitsgemeenschoppen, sportliche Wettkampveranstalten, natschonale Sportveranstalten, Sportfesten, Wannerdaag oder ok Klassenfohrten, wenn se en sportlichen Swoorpunkt hebbt (t. B. en Skikurs oder en Radtour). Jüst so höört to’n Schoolsport ok Sportanbotten för de Schoolpoos un överschoolsche Wettkampanbotten as Jugend trainiert für Olympia oder de Unihockey Cup.

Telen[ännern | Bornkood ännern]

Grundlaag för den Schoolsport is de Annahm, dat Bewegung, Speel un Sport en grundsätzlich wichtigen Bidrag för de Entwicklung vun’n Lief as ok för de soziale, kognitive un emotschonale Entwcklung vun Schölers leisten doot. Dorüm warrt för den Sportünnerricht ümfaten Lehrplaans opstellt, de nipp un nau dorstellt, wovun Telen, Inholten un Methoden dat Fach bargt. Grundlaag is de Dubbelopdrag, d.h. en Optucht to’n Sport hen un Persönlichkeitsbilln dör den Sport.

Hooch ansehn sünd dorbi överfachliche Optuchtsopgaven as dat Föddern vun de Gesundheit, Sozial- un Weertoptucht.

Schoolsport in Düütschland[ännern | Bornkood ännern]

Kultusminsterkonferenz[ännern | Bornkood ännern]

För den Schoolsport sünd vör allen de Kultusministerien vun de enkelten Bundslänner tostännig, de Lehrplaans un Kunzepten för den Sport in un buten den Ünnerricht vörgeven doot. Stütt warrt se dör fachwetenschoppliche Insichten vun de Optuchtwetenschoppen un vun de Sportpädagogik as Deelrebeet vun de Sportwetenschop

Düütsche Olympische Sportbund un Schoolsport[ännern | Bornkood ännern]

Op Bundseven bringt de Düütsche Olympische Sportbund sien Ansichten un Vörstellen över den Schoolsport in verschedene Komisschonen un Arbeitsgruppen in (KOmmischoon Schoolsport; Kuntaktkommischoon DOSB – KMK; Akschoonsbündnis Schoolsport). Jeed Johr warrt en DOSB-Schoolsportpries vergeven. In’n Orienteerungsrahmen för den Schoolsport vun 1999 warrt tallrieke Foddern opstellt, as to’n Bispeel:

  • tomindest dreestünnigen Plichtünnerricht an de allgemeenbilln Scholen – sowiet mööglich in Enkeltstünnen.
  • en tomindest eenstünnigen Plichtünnerricht Sport in de Deeltietberoopsscholen
  • en qualifizeerte universitäre Schoolmeesterutbilln
  • en anmeten Instellen vun Sportschoolmeesters
  • en regelmatige Foortbilln för Schoolmeesters

Schoolsportünersöken 2004/2005[ännern | Bornkood ännern]

In’n Dezember 2004 is dat Resultat vun de Studie „Sportünnerricht in Düütschland“, de DSB-SPRINT-Studie vörleggt worrn. Dorbi geev dat för den Schoolsport slechte Noten.

Na de Studie fallt jede veerte Sportstünn ut, de Schoolmeesters sünd in’n Dörsnitt to oolt, de Inholten vun’n Ünnerricht tomeist langwielig oder passt eenfach nich mehr in de moderne Tiet. De DSB-Präsident Manfred von Richthofen kritiseer, dat de begängigen dree Sportstünnen blots op’t Papeer stünnen, man nicht wirklich ok geven warrt. Mehr as 8.800 Schölers in’t Öller twüschen 10 un 15 Johren, mehr as 1.150 Sportschoolmeesters un mehr as 100 Schoolleiders as ok 4.350 Öllern hebbt an de bit dorhen eenmoligen Studie deelnahmen. De för den Sport problematischsten Schoolformen as Sünner- oder Beroopsscholen weern dorbi nich mitinbetogen.

Kiek ok[ännern | Bornkood ännern]

Literatur[ännern | Bornkood ännern]

  • Arnd Krüger (Rgv.): Ursachen der Schulsport-Misere in Deutschland. Festschrift för Professer Konrad Paschen , London: Arena Publications 1979

Weblenken[ännern | Bornkood ännern]