Robert William Fogel

Vun Wikipedia
Robert William Fogel.

Robert William Fogel (* 1. Juli 1926 in New York; † 11. Juni 2013 in Oak Lawn, Illinois) weer en US-amerikaansch Ökonom un Wertschapshistoriker un Perfesser an de Universität vun Chicago.[1]

Werdegang[ännern | Bornkood ännern]

Fogel, Söhn vun russisch-jöödsch Inwannerer, harr en Afsluss vun Stuyvesant High School in New York un studeer denn Geschichte (mit Ökonomie in't Nebenfack) an de Cornell University, wo he Präsident vun en kommunistisch Jöögdorganisatschoon weer (American Youth for Democracy). Nah sien Bachelor-Afsluss 1948 hett he för de kommunistische Partei arbeit, vun de he sück aber later afwendt hett. He hett den wieder studeert un 1960 sien Master-Afsluss an de Columbia University un 1963 sien Doktertitel an de Johns Hopkins University maakt. Van 1958 bit 1959 hett he an de Johns Hopkins University, 1960 bit 1965 un 1968 bit 1975 an de University of Rochester, 1964 bit 1975 an de Universität Chicago, 1975 bit 1981 an de Harvard University un af 1981 weer in Chicago lehrt.

Robert Fogel is en Hööftvertreder vun de Kliometrie, de statistikfundeert Wertschapsgeschichte. As sien Hööftwark gellt dat gemeensam mit Stanley Engerman verfaat Time on the Cross, en Ünnersöken vun de Ökonomie vun de Slavensellschopp in de amerikaansch Süüdstaaten. In hör hett he dorleggt, dat de Slaveree in den USA up kien Fall unwertschaplich weer, as faken[2] mit dat behaupt wurr, de Pries för Slaven weern gauer steegen as de för vun hör maakt Produkte. Buterdem hett he de These vertreden, dat Slaven up de Plantagen in' Dörsnitt beter behannelt wurrn as Arbeiter in de Fabriken in' Noorden. Ofschons de methodische Intelligenz vun de Ünnersöken stets Anerkennung funn, wurrn Fogel un Engerman scharp angreepen. Kört nah dat Rutkommen vun Time on the Cross keem en Book vun Paul David un annern herut, wo de Thesen nipp un nau wedderleeggt wurrn.[3] Vör allen wurr hör vörsmeeten, ut en to schmal statistischen Basis herut arbeit to hemm un all in all en düütlich to goot Bild över de Levensbedingungen vun de farbig Slaven tekent to hemm. Fogel sülvst weer nie en Apologet vun de Slavereeun hett immer sien Aflehnen vun de Slaveree ut moralisch Grünnen betont.

Ok anner gängig Themen hett Fogel en kritisch Överprüfen ünnertrucken. So wies he, dat de Iesenbahn in de Tiet um 1890 blots to en Insporen vun maximal dree Perzent (un ehrder bi een Perzent) bi de Transportkosten för landwertschapliche Produkte führt hett in Verkliek to en Ökonomie ahn Iesenbahn (blots mit Kanälen un Fuhrwarken), de also bannig minn weer.

1993 kreeg Fogel tosommen mit Douglass Cecil North den Nobelpries för Wertschapswetenschapen "för hör Neemaaken vun de wertschapsgeschichtlichen Forschen dör Anwennen vun ökonoomsche Theorie un quantitative Methoden, um wertschaplichen un institutionellen Wannel to verkloren".

He weer siet 1949 verheiraadt mit Enid Cassandra Morgan mit de he twee Söhns, Michael un Steven, harr.

Schriften[ännern | Bornkood ännern]

  • mit Stanley Engerman Time on the Cross. The economics of american negro slavery, zwei Bände, Boston, Toronto 1974
  • Railroads and the american economic growth. Essays in econometric history, Baltimore 1964
  • The Union Pacific Railroad: A Case in Premature Enterprise, 1960.
  • Without Consent or Contract: The Rise and Fall of American Slavery, 2 volumes, 1989.
  • Economic Growth, Population Theory and Physiology: The Bearings of Long-Term Processes on the Making of Economic Policy, 1994.
  • The Slavery Debates, 1952-1990: A Retrospective. Baton Rouge: Louisiana State University Press, 2003. 106 pp. ISBN 0-8071-2881-3.
  • The Fourth Great Awakening and the Future of Egalitarianism Chicago: University of Chicago, 2002
  • The Escape from Hunger and Premature Death, 1700-2100: Europe, America, and the Third World. New York: Cambridge University Press, 2004. 189pp. ISBN 0-521-80878-2
  • mit Roderick Floud, Bernard Harris und Sok Chul Hong: The Changing Body. Health, Nutrition and Human Development in the Western World since 1700, Cambridge University Press, Cambridge, England 2011 ISBN 978-0-521-87975-0[4]
  • Herausgeber mit Ralph A. Galantine, and Richard L. Manning, Nicholas Scott Cardell: Without Consent or Contract: The Rise and Fall of American Slavery: Evidence and Methods, Norton, 1992

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Nahroop up Robert Fogel in: Chicago Booth
  2. to'n Bispeel Ulrich Bonnell Phillips Life and Labour in the old South 1929
  3. Paul David, Herbert Gutman, Richard Sutch, Peter Temin, Gavin Wright „Reckoning with slavery: a critical study in the quantitative history of american negro slavery“, Oxford University Press 1976
  4. Größer und fetter in: Frankfurter Allgemeine Sonntagszeitung 17. April 2011, Seite 34