Rhodesian Ridgeback

Vun Wikipedia
Rhodesian Ridgeback
FCI - Standard Nr. 146
Patronat Süüdlich Afrika
Klassifikatschoon FCI
  • Gruppe 6
  • Sektion 3
Rassenaam na FCI

Rhodesian Ridgeback

Schufthööcht Rüde 63-69cm, Teev 61-66cm
Gewicht Rüde 36,5 kg, Teev 32 kg
Zuchtstandards = FCI, AKC
List vun de Hunnenrassen

De Rhodesian Ridgeback is en vun de FCI anerkannt Hunnenrass ut Süüdafrika un Simbabwe (FCI-Gruppe 6, Sektion 3, Standard Nr. 146). De Rass wurrd in völ Deelen vun de Welt to de Jagd vun Wild bruukt, aber ok as Waakhund un Familienhund hollen.[1]

Herkunft un Historie[ännern | Bornkood ännern]

De Rhodesian Ridgeback is de eenzig anerkannt Hunnenrass, de ut dat süüdlich Afrika entstammt. Se baseert up oll Rassen vun de ehmalge Kapkolonie. Disse Hunnen, vör allen de vun de Khoi-Khoi, wiest den ümkehrten Aalstreek, den Ridge up. Se kunnen up wiet Entfernungen dat Wild upspüren, hebbt för Gefohren worhschoot un de Siedlungen schuult. Se wurrn laterhen vun de Kolonialherren mit anner Rassen krüüzt un to dat Uppassen vun hör Farmen un to de Jagd up Löwen un anner Grootwild insett. Hör Upgaav weer, Jagdwild uptospüren un so lang an de Platz to binnen, bit de Jäger vör Oort weern. De Originalstandard vun de Rhodesian Ridgeback, vun F. R. Barnes 1922 in Bulawayo, Rhodesien upstellt, baseer up den Dalmatiner-Standard un wurr 1926 vun de Kennel Union vun dat Süüdliche Afrika anerkennt.

Beschrieven[ännern | Bornkood ännern]

En Rhodesian Rigdeback wurrd 63 bit 69 cm groot (Schufthööcht) un weggt ruchweg 36,5 kg. De Teeven wurrn bi etwa 32 kg bit to 66 cm groot. De Hunnen sünd muskulös, mit en deep Borst, mäßig wölbt Ribben un licht wölbt Lennen. De Hals is ehrder lang, dat Fell kört, dicht, glatt un hell weetenfarben bit root weetenfarben, af un an mit en swaarten Snuut un dunkel Ohren: Eenig Hunnen hebbt witt Hooren an de Borst oder de Taanen. Nah de FCI-Standard sull en Rhodesian Ridgeback dunkel Oogen to swaart Nöös oder barnsteenfarben Oogen to heller „leverfarben“ Nöös hemm. De Ohren liggen dicht an de Kopp an, sünd hooch ansett un middelgroot.[1]

De Ridge betekend en Hoorkamm, bi de dat Fell nah vörn henn wassen deiht, wiels dat restliche Fell nah achtern rut wasst. Dat is dat upfälligste Markmal vun disse Hunnenrass. Dat gifft blots twee Hunnenrassen, de so wat hebbt: De Rhodesian Ridgeback un de Thai Ridgeback.

Wesen[ännern | Bornkood ännern]

De FCI-Standard beschrifft Rhodesian Ridgebacks as "würdevoll, intelligent, Fremden tegenöver torüchhollend, aber ahn Anteken vun Aggressivität oder Scheu".[1]

Rhodesian Rigdebacks wurrn as Jagdhunnen för de Fährten- un Sweetarbeit, as Mantrailer oder Rettungshunnen insett. Man kann hör aber ok för Hundesportorden as Agility, Obedience oder Lure-Coursing insetten.

Born un wieder führend Lenken[ännern | Bornkood ännern]

Enkeld Nahwiesen[ännern | Bornkood ännern]

  1. a b c FCI-Standard Nr.146 vom 07. August 1998 (deutsch, Word-Dokument)

Weblenken[ännern | Bornkood ännern]