Ray Manzarek

Vun Wikipedia
Wesseln na: Navigatschoon, Söök
Ray Manzarek, 2009

Raymond Daniel „Ray“ Manzarek (oorsprünglich Manczarek; * 12. Februar 1939 in Chicago; † 20. Mai 2013 in Rosenheim[1]) weer en US-amerikaansch Musiker un Schriever. Bekannt wurr he as Organist vun de Doors.

Levensloop[ännern | Bornkood ännern]

Manzarek wurr as Söhn vun en poolschstämmig Inwannerfamilie in de darte Generatschoon in Chicago boren. All fröh fung he an mit klassisch Klaveerstünn, woll ehder in‘ Kontext vun en bürgerlichen Uptrecken, sien Begabung hett sück langsam rutbildt.

Nah sien College-Afsluss 1960 hett Manzarek, an de University of California in Los Angeles studeert, wo he an de kinematographischen Fakultät Jim Morrison kennenlernt hett. De upstrevend Intellektuellen hebbt gau Früenschap slooten, Morrison hett sogor eenig Tiet mit Ray un de sien Früendin Dorothy de sülvig Wahnung leevt. Manzarek hett in disse Tiet eerst Drogenerfohrungen maakt: besünners hett he Marihuana nommen, aber ok dat nee upkommend LSD.

Nah de Dood vun Jim Morrison un Uplöösen vun de Band hett Ray Manzarek versöcht, as Solo-Interpret to arbeiten, harr aber kien grooten Spood. In de Tiet entstunn bispeelsweis dat Album The Golden Scarab (1974), sien Tosommenarbeit mit Nite City oder de elektronisch Adaptschooon vun de Carmina Burana (1983). 2002 weer Manzarek an de Versöök bedeeligt, gemeensam mit Robby Krieger un John Densmore, tosommen mit en nee Leadsinger, de Musik vun de Doors noch upleven to laaten.

In dat Johr 2002 grünn Manzarek tosommen mit Robby Krieger, Ty Dennis un den Frontmann vun de Band The Cult, Ian Astbury de Band The Doors of the 21st Century, de sück nah en Rechtsstriet 2005 „Riders on the Storm“ nömmen deen. Toletzt sünd Manzarek un Krieger as Ray Manzarek and Robby Krieger of The Doors uptreden. In’n Mai 2013 is he an Krebs doodbleven.

Zitat[ännern | Bornkood ännern]

Die Gegenwart ist doch entsetzlich. Wir leben in genau dem zynischen Alptraum, vor dem wir in den Sechzigern immer gewarnt hatten.|Ray Manzarek Pressekonferenz in‘ Sömmer 1997. [2]

Diskografie (ahn Platen mit de Doors][ännern | Bornkood ännern]

Solo-Alben

  • 1974: The Golden Scarab
  • 1974: The Whole Thing Started With Rock and Roll And Now It's Out Of Control
  • 1983: Carmina Burana

Tosommen mit Nite City

  • 1976: Nite City
  • 1978: Golden Days And Diamond Nights

Kollaboratschonen (Utwahl)

  • 1982: Versions (mit Robby Krieger)
  • 1993: Beat Existentialist (mit Darryl Read)
  • 1993: Love Lion (mit Michael McClure)
  • 1994: Revelation Blues (mit Scott Richardson)
  • 1999: Freshly Dug (mit Darryl Read)
  • 2001: There's A Word! (mit Michael McClure)
  • 2004: The Paul & Georgia Album (mit Paul & Georgia Ferrara)
  • 2006: Atonal Head (mit Bal)
  • 2006: Love Her Madly (Soundtrack)
  • 2007: Bleeding Paradise (mit Darryl Read)

Schriften[ännern | Bornkood ännern]

  • Ray Manzarek: Mein Leben mit den Doors. Hannibal-Verlag, Andrä-Wördern 1999, ISBN 3-85445-165-2
    Deutsche Übersetzung von Light My Fire - My Life with the Doors, 1998
  • Ray Manzarek: The Poet in Exile. Thunder's Mouth Press, USA 2001, ISBN 1-56025-359-2
    Fiktiv Stück um Jim Morrison

Enkeld Nahwiesen[ännern | Bornkood ännern]

  1. A Door closes: Ray Manzarek dead at 74 op Dangerous Minds, afropen an’n 21. Mai 2013
  2. Nah Barry Graves, Siegfried Schmidt-Joos, Bernward Halbscheffel: Rock-Lexikon. Sonnerutgaav 2003 vun de överarbeit un wieder makt Neeutgaav 1998, S. 282. Rowohlt, Hamborg 2003. ISBN 3-499-61588-6.

Weblenken[ännern | Bornkood ännern]

Commons-logo.svg Ray Manzarek. Mehr Biller, Videos oder Audiodateien to’t Thema gifft dat bi Wikimedia Commons.