Ray Bryant

Vun Wikipedia
Wesseln na: Navigatschoon, Söök

Raphael „Ray“ Bryant (* 24. Dezember 1931 in Philadelphia, Pennsylvania; † 2. Juni 2011 in New York City[1]) weer en US-amerikaansch Pianist vun den Modern Jazz.

Leven[ännern | Bornkood ännern]

De jüngere Bröer vun Tommy Bryant un Unkel vun Kevin un Robin Eubanks fung sien musikalisch Karriere Enn’ vun de 1940er Johren mit Tiny Grimes an. Siet 1953 weer he Huuspianist vun dat Label Blue Note Records in Philadelphia, wo he Upnahmen mit ünner annern Charlie Parker, Miles Davis un Lester Young inspeelen dee. 1955 nehm he mit de jung gemäßigt Betty Carter tosommen up. 1955 wark he an dat Prestige-Album Miles Davis and Milt Jackson Quintet / Sextet mit Jackie McLean, Percy Heath un Art Taylor mit. 1956/57 weer he Begleiter vn Carmen McRae; 1957 entstunnen up dat Newport Jazz Festival Upnahmen mit Coleman Hawkins un Roy Eldridge.

1959 is Bryant nah New York City översiedelt, wo he mit Sonny Rollins, Charlie Shavers un Curtis Fuller arbeiten dee un bald en eegen Trio harr; later hen hett he in Toronto leevt un arbeit. He is regelmatig up internatschonalen Festivals uptreden un hett en groot Rall an Platten inspeelt. Populär Erfolge wurrn Titel as „Little Susie“ un „Cubano Chant“. De „Cubano Chant“ wurr bispeelswies vun hüm mit de Jazz Messengers up dat Album Drum Suite inspeelt.

Stilistisch is sien vörnehm, immer gediegen Swing in’ Rhythmus hervörtiheven, as ok sien fien Melodiebildung in den Soli. Allmusic heevt ok noch sien unbegleit Bluesspeel hervör.[2]Ray Bryant hett in sien Speel Elemente vun den Blues, Boogie-Woogie, Gospel, un sogor Stridepiano kombineert; he beherrsch den Bebop un sien Stil wurrd as „soulful“ betekent[3], sien Upnahmen ut Midden vun de 1950er Johren nehmt ok all de Spood vun disse Richt um etwa 10 Johr vörweg.

Ehrungen[ännern | Bornkood ännern]

Ray Bryant is in de American Jazz Hall of Fame upnommen wurrn.

Diskographisch Henwiesen[ännern | Bornkood ännern]

Born[ännern | Bornkood ännern]

  1. Nahroop in The New York Times
  2. [1]Indrag bi Allmusic
  3. [2]Indrag bi Allmusic

Weblenken[ännern | Bornkood ännern]