Pruzzen

Vun Wikipedia
Dor ungefähr hefft de Balten ehr Stämm in dat 12. Johrhunnert wahnt. Oostbalten bruun, Westbalten gröön
Vörsichtig Kaart vun de Wohnsteden vun de pruzzischen Stämm in dat 13. Johrhunnert na de Encyclopaedia Lithuanica;
grau: Galinder as Balten un nich as Pruzzen,
Sasnia u. Lubavia prußisch-slawische Mischgebiete

De Pruzzen, Prussen, Prußen oder Ooltpreußen weern en Volksstamm vun de Balten. Up Latiensch heten se Pruteni, in jem ehr egen Ooltpreußische Spraak hefft se sik Prūsai nömmt. Se weern tohuse vun nöördlich de Memel bit na de Wießel hen. Vun jem kümmt de Naam för dat Land Preußen her. Man na Südwesten un Oosten hen leven se över de latern Grenzen vun Preußen weg. An Funnen, de dor utbuddelt wurrn sünd, kann een sehn, dat de Länner, wo de Pruzzen toeerst tohuse weern, vun de jüngere Steentiet bit an dat Middelöller hen in eenssen weg bewahnt weern. Na de Wießel hen güng dat eerst na dat 7. Johrhunnert, as bloß noch wenig vun de oostgermaanschen Siedlers nableven weern. As se vun den Düütschen Orden endgüllig unnerkregen wurrn weern, hefft de düütschen un poolschen Towannerers jem dalslaken. Jem ehr Spraak is vun dat 17. Johrhunnert af an nich mehr bruukt wurrn. Dat gifft ok nich veel Texten dor vun. In jüngere Tiet warrt woll versöcht, de Spraak wedder to'n leven to bringen un sik dor mit to befaten.