Plattdüütsch in de Kark

Vun Wikipedia
Wesseln na: Navigatschoon, Söök

De Plattform Plattdüütsch in de Kark is en Dackverband vun de Arbeidskrinken, de sik mit de plattdüütsche Spraak in de Kark befaat. Öllerfro is Hanna Löhmannsröben un Geschäftsföhrer Heinrich Kröger.

De Maten, de sik an’n 1. Mai 1990 in dissen Verband tohoopfunnen hebbt, sünd:

  • Arbeidskrink Plattdüütsch in de Kark in Noordelbien (1947/1975)
  • Arbeitsgemeenschop Plattdüütsch in de Kark Neddersassen/Bremen (1963)
  • Plattdüütsk in de Kerken in Westfalen (1980)
  • Meckelborger Arbeitskrink Plattdüütsch in de Kirch (1982)
  • Pommerscher Arbeitskreis Plattdüütsch in de Kirch (1986)
  • Pastorenkring in Ollnborg (1987)
  • Kring Plattdüts in Kark in Ostfreesland (1988)
  • Plattdüütsch in de Kirch Berlin-Brannenborg (1992)

Arbeidskrink Plattdüütsch in de Kark in Noordelbien[ännern | Bornkood ännern]

Historie[ännern | Bornkood ännern]

1947 hett sik en Preesterkrink vun de sleswig-holsteensche Landskark billt. Ünner Leid vun Johannes Thies hett he sik in’n April 1963 denn Arbeidskrink Plattdüütsch in de Kark nöömt. Thies weer de eerste Öllermann vun den Arbeidskrink, de nu ok en plattdüütsch Gesangbook rutgeven wull, dat 1967 denn in Breklum rutgeven worrn is.

1974 hett de Arbeidskrink na ene Anregung vun Klaus Jürgen Thies den Plattdüütsch Sünndag an’n 1. Sünndag na Trinitatis inricht.

An’n 11. September 2004 geev dat in Sleswig dat eerste Maal en plattdüütschen Karkendag för Noordelbien. De twete weer an’n 16. September 2006 in Lübeck. De drüdde schall an’n 28. Juni 2008 op de Landsgoornschau in Sleswig wesen. Bi’n Plattdüütschen Karkendag deit Plattdüütsch in de Kark mit’n Sleswig-Holsteenschen Heimatbund tohooparbeiden.

Öllerlüüd[ännern | Bornkood ännern]

Arbeitsgemeenschop Plattdüütsch in de Kark Neddersassen/Bremen[ännern | Bornkood ännern]

De Arbeitsgemeenschop Plattdüütsch in de Kark is en Arbeidskrink vun üm un bi 300 Lüüd ut de evangeelsche Kark, de sik för dat Bruken vun de plattdüütsche Spraak in de Kark un bi Goddsdeensten in Neddersassen un Bremen insetten doot. Grünnt worrn is se 1963.

Se stellt Materialien tohoop, de plattdüütsche Predigers bruken köönt un vermiddelt plattdüütsche Predigers an Karken, de geern Goddsdeenst op Platt anbeden wullt.

Eenmal in’t Johr kummt de Arbeidskrink to de plattdüütsche Tagung in’t Pastoralkolleg in Loccen tohoop. De Tietschrift, de Plattdüütsch in de Kark twee Maal in’t Johr rutgifft, heet De Kennung. Dat eerste Maal is disse Rundbreef an’n 8. März 1972 rutgahn. Do weer he noch’n richtigen Breef un harr ene Oplaag vun üm un bi 100. Hüüt is de Oplaag knapp 1300.

Öllerlüüd[ännern | Bornkood ännern]

Plattdüütsk in de Kerken in Westfalen[ännern | Bornkood ännern]

Plattdüütsk in de Kerken in Westfalen is 1980 grünnt worrn. Dat Leid hett Wilhelm Dullweber.

Meckelborger Arbeitskrink Plattdüütsch in de Kirch[ännern | Bornkood ännern]

De Meckelborger Arbeitskrink Plattdüütsch in de Kirch is 1982 grünnt worrn. Vör 1995 weer de Vörsitter Pastoor Peter Wittenburg. As Wittenburg en Tiet na’t Utland gahn dee, hett Pastoor Gerhard Voß dat Amt övernahmen. 2008 hett Voß dat Amt ut Öllersgrünn trüchgeven un de middewiels trüchkehrte Wittenburg is wedder Vörsitter worrn.

Pommerscher Arbeitskreis Plattdüütsch in de Kirch[ännern | Bornkood ännern]

De Pommersche Arbeitskreis Plattdüütsch in de Kirch is 1986 grünnt worrn. Welk Pastoorn ut Pommern weren 1986 op de Dagfohrt vun Plattdüütsch in de Kark in Loccen un för’n 8. Oktober 1986 harr de Pastoor Paul-Gerhard Hirsch na Pasewalk to en Drepen inlaadt. Dat weer de Geboortsstünn för Plattdüütsch in de Kirch in Vörpommern.

Karkenkring in Ollnborg[ännern | Bornkood ännern]

De Karkenkring in Ollnborg is 1987 (domaals as Pastorenkring) grünnt worrn. Baas is Werner Rossow.

Kring Plattdüts in Kark in Ostfreesland[ännern | Bornkood ännern]

De Kring Plattdüts in Kark in Ostfreesland is 1988 grünnt worrn.

Plattdüütsch in de Kirch Berlin-Brannenborg[ännern | Bornkood ännern]

Plattdüütsch in de Kirch Berlin-Brannenborg is 1992 grünnt worrn. Baas is de Pastoor Gottfried Winter.

Böker[ännern | Bornkood ännern]

Weblenken[ännern | Bornkood ännern]