Penisköker

Vun Wikipedia
Wesseln na: Navigatschoon, Söök
Koteka ut Neeguinea

En Penisköker (bi de Dani vun Neeguinea ok Koteka) is en Kleedungsstück, wat mehrsttiets ut ene Kalebass maakt warrt. Welk Naturvölker in Neeguinea, Amerika un Afrika bruukt dat oder hebbt dat bruukt, den Penis to verdecken. De Penisköker warrt mit en Band üm de Hüft fastbunnen. Ok Peniskökers, de mit en Band üm’n Hals fast maakt warrt, gifft dat. As de Europäers to disse Völker kemen, dor hebbt se faken seggt, dat schullen se nich mehr dragen, vun wegen, dat de Europäers menen, dat dat nich ganz wied weg vun naakt weer. Dat gell as primitiv. 1971 hett de Regeren vun Indonesien sogor en Operatschoon Koteka (Operasi Koteka) maakt, dat de Mannslüüd vun de Dani europääsche Büxen kregen schullen. Aver de Dani hebbt ehr Kotekas wieder dragen.