Paul Janes

Vun Wikipedia
Wesseln na: Navigatschoon, Söök

Paul Janes (* 11. März 1912 in Küppersteg (hüüdtodag Leverkusen); † 12. Juni 1987 in Düsseldörp) weer en düütsch Footballspeler.

Janes weer utbildt Müerkergesell. He speel för Fortuna Düsseldörp un wurr mit disse Vereen 1931 Westdüütsch- un 1933 Düütsch Meester, 1936 Viez-Meester un 1937 stunn he mit de Vereen in’t Pokalendspeel.

Tüschen 1932 und 1942 hett he 71 Mal för de düütsch Football-Natschonalmannschap speelt un dorbi 7 Doren schaten. Dormit is he Rekordnatschonalspeler vun dat Düütsch Riek. Vun 7. Dezember 1941 bit 9. September 1970 un dormit meest 29 Johr - so lang as vör un nah hüm nümms anners - weer he Rekordnatschonalspeler vun den DFB un wurr denn vun Uwe Seeler aflöst.

Janes hörr to de Mannschap, de 1937 in Breslau Däänmark mit 8:0 slahn hett un as Breslau-Elf in de düütsch Football-Historie ingahn is. Sien gröttste sportlich Erfolg weer de darte Platz bi de Football-Weltmeesterschap 1934 in Italien.

De Tweete Weltkrieg hett sien Karriere ünnerbraken. He keem to de Rieksmarine un wurr Bademeester in Willemshaven, ofschoons he nich swemmen kunn. Aber he kunn bi de Marine wiederhen Football spelen.

Nah de Krieg hett he eerst noch wat bi Fortuna Düsseldörp speelt is dornah denn aber Trainer wurrn, aber dormit harr he nich so völ Spood. In Leverkusen hett he nahst denn noch en Sportlerklause upmakt. In Apenlichkeet is he aber nich mehr so völ uptreden. Storven is he an en Hartinfarkt.

Nah hüm hett man in Düsseldörp en Footballstadion nömmt.