Oskar Korschelt

Vun Wikipedia
Wesseln na: Navigatschoon, Söök

Oskar Korschelt (* 1853 in Bertheldorf/Sassen; † 1941, Sassen) weer en düütschen Chemiker un Ingenieur, de dat japaansche Brettspeel Go na Europa inföhrt hett.

1875 keem Korschelt na Japan, wonehm he an de medizinsche Hoochschool vun Tokio en Lehropdrag annahmen harr. 1880 geev he dit Baantje op un arbeid för de japaansche Regeren.

In disse Tiet hett he dat Go-Speel kennenlehrt. De Lüüd vertell, dat he gegen Murase Shuho, de later Honinbo wurr, söss Steen Vörgaav kreeg. Dat heet, he weer en goden Amateurspeler. Mit de Help vun Shuho hett he 1880 en Artikelserie mit den Titel Das Japanisch-chinesische Spiel "Go". Ein Concurrent des Schach maakt un in de Mittheilungen der Deutschen Gesellschaft für Natur- und Völkerkunde Ostasiens publizeert. Dat weer dat eerste Maal, dat över dit Speel in den Westen wat detailleert to lesen weer. He hett ok de Markeren vun de Lienen vun't Gobrett mit latineschen Bookstaven un europääschen Tallen inföhrt. Sien Bedüden för dat Gospeel in Europa un Noordamerika kann wohl nich hooch noog schätzt warrn. 1884 hett he över Go noch en Book schreven, dat noch vundaag op Engelsch druckt warrt.

In de Mitt vun den 1880er Johren is Korschelt na Düütschland trüchkehrt un hett in Leipzig wahnt. Över sien Go-Aktivitäten na disse Tiet is nich veel bekannt.

Wark[ännern | Bornkood ännern]

Weblenken[ännern | Bornkood ännern]