Orkla (Stroom)

Vun Wikipedia
Wesseln na: Navigatschoon, Söök

De Orkla (ok Orklaelva) is en Stroom in den Fylke Süüd-Trøndelag in Norwegen.

De Orkla hett sien Anfang in den Orkelsee in de Kommun Oppdal un is mit 179 km de längste Stroom in Süüd-Trøndelag. He folgt dat Orkladaal un ströömt in de Neeg vun de Stadt Orkanger in den Orkdalsfjord. Op sien Weg löpt he dör de Kommunen Tynset, Rennebu, Meldal un Orkdal.

De Orkla-Stroom warrt in sien Verloop reguleert dör fief Stauseen för’t Energiewinnen, de in de Johren 1978 bit 1985 anleggt worrn sünd. De Stroom warrt geern vun Anglers opsöcht un is bekannt för sien Lachsen.

Naam[ännern | Bornkood ännern]

De olle noordische Naamsform weer eenfack blots Ork, wat een ok jümmer noch in den Naam Orkdal finnen kann. Wat de Naam bedüüt hett, dat is nich klor. Villicht weer dat afleidt vun dat Verb orka „arbeiten“). Anfangs weer Orkla de Naam vun blots den böveren Verloop dör Tynset un Hedmark. Mag wesen, dat dormit meent weer, 'de lütte Deel vun den (Stroom) Ork'.