Nuuk

Vun Wikipedia
Wesseln na: Navigatschoon, Söök
Luftbild vun Nuuk

Nuuk (däänsch Godthåb) is de Hööftstadt vun Gröönland.

Nuuk liggt üm un bi 250 Kilometer süden den Polarkreis un hett 14.874 Inwahners (2005). De Golfstroom geiht in de Neeg an Gröönland langs, so dat in’n Winter dat Meer in’t subpolare Klima nich infreert. Bi de Weertschop is vör allen de Fischfang vun Bedüden, besünners op Krabben un Butt. Nuuk is hüüt ok en Teel för Touristen, de mit Flegers oder op Krüüzfohrten na Gröönland kaamt. Ok dat gröönlandsche Natschonalmuseum is in Nuuk.

1721 keem de norweegsche Missionar Hans Egede na Nuuk üm de twölf Inuit-Familien, de dor leven, to bekehren. De Oort weer de Platz, an den sik de Inuit ut dat Rebeet in’n Sommer drepen. Egede sien Huus ut de Tiet is hüüt de Seet vun’e gröönlandsche Regeren.

Partnerstäder[ännern | Bornkood ännern]

Nuuk hett Cuxhoben as Partnerstadt.

Weblenken[ännern | Bornkood ännern]

Commons-logo.svg Nuuk. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:64,18° N, 51,72° W