Nuss

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Nuss
Nuss
Laag vun Nuss in Düütschland
Basisdaten
Bundsland: Sleswig-Holsteen
Landkreis: Kreis Hertogdom Loonborg
Flach: 6,22 km²
Inwahners: 1,037 (31. Dez. 2010)
Inwahnerdicht: 0,2 Inwahners pro km²
Hööchd: 31 m över NN
Postleettall: 23896
Vörwahl: 04543
Geograafsche Laag:
Koordinaten:53° 40′ N, 10° 35′ O
53° 40′ N, 10° 35′ O
Websteed: [http://[http://www.nusse.de
Koort

Nuss (hoochdüütsch Nusse) is en Gemeen in'n Kreis Hertogdom Loonborg in Sleswig-Holsteen.

Geografie[ännern | Bornkood ännern]

Nuss liggt so wat 40 km oosten vun Hamborg. In'n Gemeenrebeed liggt de Ritzeruer See mit en Baadsteed un de Hoffsee as ok dat bültig Ennmoränendaal vun de Steenau. Dor is en oolden germaanschen Freedhoff, de deelwies al in de 60er Johren opdeckt worr, 'neem jümmers noch Utgravungsarbeiden verricht warrt.

Geschicht[ännern | Bornkood ännern]

Dat eerste Maal, dat dat uurkunnlich opkamen is, is in't Johr 1194. Vun 1370 bet 1937 höör dat Karkdörp Nuss as Histoorsche Lübecker Exklaav de Hansestadt Lübeck to. De Kark worr in'n 18. Johrhunnert dör den Lübecker Bomeester Johann Adam Soherr mit en Westtoorn versehn. En Grootfüer möök 1821 de oolde Kark ut dat 12. Jahrhundert un 51 Hüser vun dat Dörp toschann. De Kark stört achteran in un worr denn so 1836 sprengt. De Neebo ut de Johren 1836/37 in Backsteen, utklamüstert vun'n Lübecker Stadtbomeester Johann Anton Spetzler, kreeg toneegst blots en Dackrieder. Ut Anlass to en Saneren 1914 worr de ne'e Toorn maakt na de Vörlaag vun den Lübecker Boraat Carl Mühlenpfordt. De Kark hett en klassizistschen Kanzelaltar un verföögt över welke Lübecker Pasternbillers.

Vunwegen dat Groot-Hamborg-Gesett worr Nuss 1937 loonborgsch. Dat Amt Nuss worr 1948 billt. 1969 grünnen de Ämter Nuss un Bredenfeld en Verwaltungsgemeenschap. Na jemehr Oplösen weer Nuss siet 1997 wedder Amtssitt, dat in't Johr 2008 in't Amt Sandesneven-Nuss mit Amtssitt in Sandesneven opgüng.

Politik[ännern | Bornkood ännern]

Vun de ölven Sitten in de Gemeenvertreden hett de SPD siet de Kummunalwahl 2008 söss Sitten un de CDU fief.

Wappen[ännern | Bornkood ännern]

Blasoneren: „In Grün unter einem silbernen Wellenbalken ein zweiblättriger goldener Haselzweig mit drei Nüssen. Im linken Obereck ein von Silber und Rot geteiltes Schildchen, dessen unteres Feld den Wellenbalken teilweise überdeckt.“[1]
Översetten: "In Gröön ünner en sülver Bülgenbalken en tweebläderigen gollen Haseltwief mit dree Nööt. In'n linken Böverdeck en vun Sülver un Root deeltet Schildken, densien ünneret Feld den Bülgenbalken deelwies överdecken deit."

Wirtschap un Infrastruktur[ännern | Bornkood ännern]

In Nuss gifft dat twee Kinnergoorns un en Grundschool.

In de Gemeen gifft dat diverse Inkoopsmööglichkeiden, twee Tanksteden, en Autohus un welke Gaststeden.

Apentliche Verkehrsanbinnen besteiht na Mölln un Ratzeborg.

De TSV Nuss vun 1946 beedt mehre Spoortaarden an (t. B. Football, Tennis, Dischtennis, Handball, Rieden, Schüttenspoort). Överregional begäng sünd de TSV-Rollstohlbasketballer, de "Nuss Rams", deehr eerste Mannschap opstunns in de Twete Bunnsliga speelt.

Sehnswöördigkeiden[ännern | Bornkood ännern]

In de List vun de Kulturdenkmalen in Nuss staht de in de Denkmallist vun dat Land Sleswig-Holsteen indragenen Kulturdenkmalen.

Söhns un Döchter[ännern | Bornkood ännern]

Weblenken[ännern | Bornkood ännern]

Enkelnawiesen[ännern | Bornkood ännern]

  1. Kummunaal Wappenroll Sleswig-Holsteen