Nobelpries för Literatur

Vun Wikipedia
Wesseln na: Navigatschoon, Söök
Sully Prudhomme, eerster Priesdräger 1901

De Nobelpries för Literatur is een vun de fief Nobelpriesen de Alfred Nobel stift hett, de „de Lüüd todeelt waart, de […] för de Minschheit wat Groots leist hebbt“[1]. In’ Updrag vun de 1900 grünnt Nobel-Stiftung wurrd he jeed Johr vun de Sweedsch Akademie vergeven un is totiet mit 10 Millionen Sweedsch Kronen doteert.

Na Nobel sien Testament, dat de Statuten vun de Nobel-Stiftung togrunnen liggt, sall mit de Pries in Literatur uttekent wurrn, wokeen „dat Feinste in idealistische Richt maakt hett“. De Bekanntgaav vun de Priesdräger passeert Anfang bit Midden Oktober, de Fier mit de Priesövergaav dör den sweedschen König an’ 10. Dezember, den Doodsdag vun den Priesstifter.

Belegen[ännern | Bornkood ännern]

  1. Utzug ut dat Testamt in düütsch Översetten; utlaaten hett man dat oorsprüngliche „im verflossenen Jahr“, wiel dat in § 2 de Statuten vun de Nobel-Stiftung relativeert wurrd.