Nidelva

Vun Wikipedia
Wesseln na: Navigatschoon, Söök
De Nidar in de Binnenstadt vun Trondheim

De Nidar oder Nidelva (elv is norweegsch för „Stroom“) is en Stroom vun ruchweg 30 km Läng in’n Fylke Süüd-Trøndelag in Norwegen.

De Stroom hett sien Oorsprung in’n Selbusee in Brøttem, wat in de Kommun Klæbu liggt. Vun dor ut löpt he na Noorden to, vörbi an den Stadtdeel Tiller, na de Leirfäll. An disse Steed spiest he twee Waterkraftwarken. In sien Ünnerloop billt he starke Mäanders ut un löpt dör de Gemeen Stavne un dör de Binnenstadt vun Trondheim. Bi Brattøra, an’n Rand vun Trondheim, münnt de Stroom in den Trondheimfjord. Hier an de Münnen geev dat bit in de 1980er Johren enige Warften un Schippbobedrieven. Blangen en Marina befinnt sik hier vundaag ok dat Quarteer Nedre Elvehavn, en Stadtdeel vun Trondheim.