Natürliche Tall

Vun Wikipedia
Wesseln na: Navigatschoon, Söök

De natürlichen Tallen sünd de Tallen, de een bi’t Tellen bruukt: 0, 1, 2, 3, 4, 5 usw. Fröher hett de 0 nich dorto höört un dat gifft ok vundaag noch Lüüd, de de 0 nich as natürliche Tall gellen laat.

För de Koppel vun de natürlichen Tallen warrt dat Formelteken \N bruukt. Dat heet:

\N = \{0, 1, 2, 3, \ldots\}

oder (wenn een de 0 nich gellen laat)

\N = \{1, 2, 3, \ldots\}

In Texten, woneem dat Symbol \N för de Koppel vun de natürlichen Tallen ahn Null bruukt warrt, gifft dat dat Symbol \N_0 oder \N\cup\{0\} för de Koppel vun de natürlichen Tallen mit Null. Annersrüm maakt \N^+, \N^*, \N_{>0}, \N_{1}oder \N\setminus\{0\} kloor, dat de natürlichen Tallen ahn de 0 meent sünd.