Mohshard

Vun Wikipedia
Wesseln na: Navigatschoon, Söök

De Mohshard oder ok Mohs-Skala is en Begreep, de in de Mineralogie un Geologie bruukt warrt. Dat is en relativ Angaav, wo hart en Mineral is.

Grundlaag vör disse Indeelen weer dat Weten, dat hardere Stoffen wekere inritzen künnt. De Geoloog Friedrich Mohs hett dorüm ünnerscheedlich Mineralen hernahmen un versocht jüm gegensietig intoritzen. Dordör künn he jüm na jümmer Hard sorteeren. Bispeelhaft hett he denn Mineralen en sünnerlich Tall toordent, worut denn de Skala entstahn is, de denn ok na ehm nöömt worrn is. Angaaven to de Harden vun Mineralen sünd jümmer op de Mohs-Skala betogen, wenn nix anners seggt warrt.

De Tabelle wiest de tein Hardenstopen op tohopen mit Mineralen as Bispelen. To’n Vergliek is dor ok de Sliephard na Rosiwal angeven, de ok afsluut Hard nömmt warrt, un den Opwand bi’n Sliepen vun den jeweilig Stoff inordent un’n wat beteren Indruck gifft över dat naue Verhollen von de Harden. Beid Skalen sünd ahn Eenheit. Toletzt steiht in de Tabell noch de Hard na dat Vickersverfohren, de de besten Betog op de hüütigen Maatverfohren bi de Harden weddergifft.

Mineral Hard (Mohs) afsluut Hard Vickershard in HV Anmarken
Talk 1 0,03 2,4 kann mit’n Fingernagel schaven warrn
Gips oder Halit 2 1,25 36 kann mit’n Fingernagel ritzt warrn
Calcit 3 4,5 109 kann mit’n Koppermünten ritzt warrn.
Fluorit 4 5,0 189 kann mit’n Knief licht ritzt warrn
Apatit oder Mangan 5 6,5 536 kann mit’n Knief jüst noch ritzt warrn
Orthoklas 6 37 795 kann mit’n Stahlfiel ritzt warrn
Quarz 7 120 1.120 ritzt Finsterglas
Topas 8 175 1.427  
Korund 9 1.000 2.060  
Demant 10 140.000 10.060 is dat hardste natürlich vörkommend Mineral; kann blots vun sik sülvst un (ünner Inwarken vun Hitt) vun Bornitrid ritzt warrn