Minnerstadt

Vun Wikipedia
Wesseln na: Navigatschoon, Söök

Minnerstadt is dat Woort för en Oort, de nich so ganz as en Stadt gellen deit. In verscheden Gegenden in Düütschland, in Skandinavien un in Grootbritannien gifft dat verscheden Naams för düsse Minnerstäder. In Noorddüütschland heet se allgemeen Flecken, in Westfalen hefft se fröher den Naam Wigbold dragen, in Bayern weert se Markt nömmt.

Dat wichtigste Recht vun de Minnerstadt weer fröher dat Marktrecht. Dor hüng dat mit tosamen, dat in so'n Oort beter Geld verdeent weern konn. Minnerstäder weern Hööftöörd up den unnersten Rang. Vun en Minnerstadt ut is dat Ümland versorgt wurrn mit allens, wat dat bruken dö. Tomeist finnt se sik in Gegenden, wo nich veel Lüde leven döen un wo de Weg na de neegste Stadt to wiet weg weer för de Buern. Hüdigendags hefft de Wöer för de Minnerstadt, so as de in verscheden Gegenden bruukt weert (Flecken etc.) bloß noch en histoorschen Sinn.

Kiek ok unner[ännern | Bornkood ännern]