Michael Denis

Vun Wikipedia
Wesseln na: Navigatschoon, Söök
Johann Nepomuk Cosmas Michael Denis

Johann Nepomuk Cosmas Michael Denis, ok Sined der Barde (* 27. September 1729 in Schärding, Bayern, hüüd Böveröösterriek; † 29. September 1800 in Wien) weer en öösterrieksch Schriever, Översetter, Bibliothekar un Zooloog.

Leven[ännern | Bornkood ännern]

De Jesuit Denis weer af 1759 Perfesser an dat Wiener Theresianum un af 1784 Kustos vun de Hoffbibliothek in Wien. Sien schriftstellerisch Wark umfaat neelatiensch Schooldramen in de jesuitisch Traditschoon, Lyrik un Karkenleeder; de lyrisch Warken hett he meest ünner dat Pseudonym Sined der Barde rutgeven (wobi Sined en Anagramm sein Nahnahm dorstellt). Denis schreev ok bibliothekswetenschaplich Warken un Lehrböker as ok 1762 dat eerst öösterrieksch Leesbook.

In‘ ganzen düütsch Spraakruum bekannt wurr he dör de eerst düütsch Översetten vun de Warken vun "Ossian" (1768/69), de as angevlich Warken vun en gäälschen Barden begeistert in ganz Europa upnommen wurrn, aber en tietgenössisch Erfindung vun den Schotten James Macpherson weern.

Denis hett över mehrere Johren den öösterriekschen Natuurforscher Johann Ignaz Schiffermüller hulpen, Bottervagels vun de Wiener Ümgegend to sammeln un to bearbeiten. As Ergevnis keem denn 1775 dat Systematische Verzeichnis der Schmetterlinge der Wienergegend herausgegeben von einigen Lehrern am k. k. Theresianum herut. De Sammlung in dat Kaiserlich Hof-Naturalienkabinett is 1848 upbrennt.

1801-1802 wurr denn de literarisch Nahlass vun den 1800 storven Denis in twee Bannen vun Joseph Friedrich von Retzer (1754–1824) herutgeven.

1874 wurr in Wien Brigittenau (20. Bezirk) de Denisgasse nah hüm nömmt.

Warken[ännern | Bornkood ännern]

  • Poetische Bilder der meisten kriegerischen Vorgänge in Europa seit dem Jahr 1756, Wien 1760
  • Die Gedichte Ossians, eines alten celtischen Dichters, aus dem Englischen übersetzt, Wien 1768-69
  • Einleitung in die Bücherkunde, Wien 1777-1778
  • Die Lieder Sineds des Barden, Wien 1772
  • Systematisches Verzeichniß der Schmetterlinge der Wienergegend herausgegeben von einigen Lehrern am k. k. Theresianum (mit Schiffermüller), Wien 1775
  • Grundriß der Bibliographie, Wien 1777
  • Die Merkwürdigkeiten der k. k. garellischen öffentlichen Bibliothek am Theresiano, Wien 1780
  • Bibliotheca typographica Vindobonensis ab anno 1482 usque ad annum 1560, Wien 1782 (ok düütsch Wiens Buchdruckergeschichte bis 1560, Wien 1782-1793)
  • Ossian und Sineds Lieder, 5 Bannen, 1784
  • Kurze Erzählung der Streitigkeiten über die alten Urkunden, Heidelbarg 1785
  • Zurückerinnerungen, Wien 1794
  • Carmina quaedam, Wien 1794 (Digitalisat bi CAMENA)
  • Beschäftigungen mit Gott schon in dem 12. Jahrhundert gesammelt, Wien 1799

Literatur[ännern | Bornkood ännern]

  • Paul von Hofmann-Wellenhof: Michael Denis. Ein Beitrag zur deutsch-oesterreichischen Literaturgeschichte des XVIII. Jahrhunderts. Wagner, Innsbruck 1881

Weblenken[ännern | Bornkood ännern]