Meev

Silvermeev up Helgoland

De Meev (ok Mööv ünner anner; in de Wetenschop Laridae) is en kräftigen, kregeligen Watervagel, en bannig goden Fleger un Swemmer mit ene krieschige Stimm. De groten Meven, so as de Mantelmeev (Larus marinus), de Silvermeev (Larus argentatus) un de Heringsmeev (Larus fuscus) dräägt enen roden Plack an dat Eck vun den Unnersnavel. De Silver-, Storm- (Larus canus), Herings- un Lachmeev (Larus ridibundus) nist an de düütschen Küsten, to’n Deel aver ok an Binnenseen un Strööm. De Mantelmeev nist bloots in’n hogen Noorn un kummt in’n Winter ok bit an use Waterkant. Rügg un Flögels vun de Silvermeev laat grau, de vun de Mantelmeev un de Heringsmeev dargegen swart.

Plattdüütsche Synonymbegrepen

Büsumer Vagel, Butendieksvagel, Buttluck, Kårb, Kobb, Korb, Koov, Meev, Mööv

Kiek ok bi

• List vun Vagels, mit allerhand plattdüütsche Vagelnaams un Naams ut de Naberspraken
• Projekt: Deerternaams up Platt