Max Theiler

Vun Wikipedia
Wesseln na: Navigatschoon, Söök
Max Theiler

Max Theiler (* 30. Januar 1899 in Pretoria, Süüdafrika; † 11. August 1972 in New Haven, Connecticut, USA) weer en süüdafrikaansch-US-amerikaansch Bioloog un Nobelpriesdräger.

Leven un Wark[ännern | Bornkood ännern]

De Söhn vun den Deertendokter Arnold Theiler hett wesentliche Arbeiten över de Erreger vun Infektschonskrankheiten leefert. He kreeg 1951 den Nobelpries för Physiologie oder Medizin für sien Entwicklung vun en Impstoff gegen Geelfeever. 1949 harr he all den Albert Lasker Award for Clinical Medical Research kreegen.

Theiler hett Medizin an de University of Cape Town, an dat St. Thomas Hospital in London un de London School of Tropical Medicine studeert. 1922 kreeg he sien Doktertitel (M.D.) un gung denn in de USA an de Harvard Medical School. Af 1930 weer he an dat Rockefeller Institut in New York, wo he den Rest vun sien Loopbahn bleev un dat Viruslabor leiten dee.

Theiler hett sück besünners mit Geelfeever befaat un kunn nahwiesen, dat dat nich dör de Bakterie Leptospira icteroides (den Erreger vun de Weil-Krankheit), as in de 1920er Johren noch deelwies vermoot wurr, veroorsakt wurr. Nahdem Adrian Stokes wies, dat Geelfeever in Rhesusaapen induzeert werden kunn, gelung Theiler en wiedere Fortschritt: he wies, dat dat Virus in Müüs Hirnhuutentzündung utlööst. Wurrd de Erreger denn weer up Aapen överdragen, lööst he Geelfeever in wat swaker Form ut, de bi Aapen buterdem Immunität tegenöver de tödlich Form vun dat Geelfeever bewirkt. Disse Erkenntnis bill de Grundlaag för de Impstoffentwicklung dör Theiler un Hugh Smith (17 D Impstoff, 1937). In den 1940er Johren hett dat Rockefeller Institut groot Mengen vun den Impstoff herstellt.

Ehrungen[ännern | Bornkood ännern]

De Maandkrater Theiler is nah hüm nömmt. Dorto kreeg he de Chalmer's Medal vun de Royal Society of Tropical Medicine and Hygiene (London, 1939), de Flattery Medal (Harvard, 1945), un den Lasker Award vun de Lasker Foundation (1949)

Privates[ännern | Bornkood ännern]

1928 hett he Lillian Graham heiraadt, mit de he een Dochter harr.

Weblenken[ännern | Bornkood ännern]

Commons-logo.svg Max Theiler. Mehr Biller, Videos oder Audiodateien to’t Thema gifft dat bi Wikimedia Commons.