Marie Curie

Vun Wikipedia
Wesseln na: Navigatschoon, Söök
Marie Curie 1911 as se den Nobelpries för Chemie kregen hett.

Maria Skłodowska-Curie (Marie Curie * 7. November 1867 in Warschau; † 4. Juli 1934 in Sancellemoz (Haute-Savoie, Frankriek); boren Skłodowska, Vörnaam ok Maria) weer ene poolsche Chemikerin un Physikerin. Se worr an’n 7. November 1867 as Maria Salome Skłodowska in Warschau boren. Ehr Vader Władysław Skłodowski weer Lehrer för Mathematik un Physik, de Moder Bronisława weer de Direktersche vun en Marjellenpengsioonaat. Dat harr den Effekt, dat de fief Kinner, vun de Maria dat jöngste weer, ene gode Bildung kregen. As Maria Curie Kind weer, leevt se in den Deel vun Polen, de vun Russland regeert worr. Poolsch as Spraak vun den Ünnerricht weer verbaden. In’t Marjellenpengsioonaat, op dat Marie Curie för ene Tied weer, geev dat illegaalen poolschen Spraak- un Geschichtsünnerricht.

As eerste Fru worr se 1906 Professerin för Physik an de Pariser Universität Sorbonne, 1922 as eerste Fru Liddmaat in de Pariser Academie de Médicine.

Mit ehr Mann Pierre Curie un den Physiker Antoine Henri Becquerel kreeg se 1903 den Nobelpries för Physik, för jemehr Arbeiden över Radioaktivität.

1911 kreeg se för dat Opdecken vun dat Radium un dat Polonium ok de Nobelpries för Chemie, ok as de eerste Fru.

Warken[ännern | Bornkood ännern]

  • Recherches sur les substances radioactives. mit Pierre Curie, 1904
  • Traité de radioactivité. 2 Bänn, 1910, düütsch: Die Radioaktivität.
  • La radiologie et la guerre. 1920
  • L'Isotopie et les éléments isotopes. 1924
  • Les rayons α, β, γ des corps radioactifs en relation avec la structure nucléaire. 1933
  • Radioactivité. 1935

Weblenken[ännern | Bornkood ännern]

Commons-logo.svg Marie Curie. Mehr Biller, Videos oder Audiodateien to’t Thema gifft dat bi Wikimedia Commons.