María Vento-Kabchi

Vun Wikipedia
Wesseln na: Navigatschoon, Söök

María Vento-Kabchi (* 24. Mai 1974 in Caracas) is en ehmalge venezolaansch Tennisspelerin.

Karriere[ännern | Bornkood ännern]

Vento-Kabchi fung mit söss Johren mit Tennisspelen an. Up de WTA-Tour kunn se insgesamt veer Düppel-Titel winnen. 1999 wunn se bi de Panamerikaansch Spelen de Goldmedaille in’ Eenzelwettbewarf. Bi de Olympisch Sömmerspelen 2000 in Sydney weer se Liddmaat vun de venezolaansch Oylmpiamannschap. Mit Düppelpartnerin Milagros Sequera keem se in de Düppelkonkurrenz up Platz fiev.

2006 hett se hör Karriere afslooten.

Hör best Platzeeren in de WTA-Tennisranglist weer Platz 26 in’ Eenzel un Platz 15 in’ Düppel, beid in 2004. Se hett för Venezuela in 35 FedCup-Spelen mitmakt.

Weblenken[ännern | Bornkood ännern]