Macklemore

Vun Wikipedia

Macklemore (börgerlich: Ben Haggerty) is een US-amerikaanschen Rapper ut Seattle. He is sünnerlich in Seattle begäng, wieldat he 2009 un 2011 op dat Bumbershoot Festival in sien Oord een Optridd harr. Sien Texten sünd mehrst sotschaalkritsch un thematiseren to'n Deel Drogensucht.

Leven[ännern | Bornkood ännern]

Haggerty wuss in Capitol Hill bi Seattle op un güng daar op de Garfield un de Nathan High School. Op dat Evergreen State College möök he sien Bachelor, ehrder he een Job in een Jöögdfängnis kreeg. Daar nehm he an een Programm mit den Naam "Gateways" deel, dat sik op Rap kunzentreren dee.[1]

In't Jahr 2000 nehm Haggerty de EP Open your Eyes as "Professor Macklemore" (ndt. Perfesser Macklemore) op un verapentlich se in'n egen Kring. 2005 lösch he dat "Professor" uut sien Naam un verapentlich sien eerst Album mit den Titel The Language Of My World.

He hett achteran anfungen, Drogen to nehmen, sünnerlich Marihuana un Oxycontin. Dit harr he as Grund angeven för sien "Mangel an Produktivitäät" in düsse Jahren. Nadat he Ryan Lewis bemööt, nehm he mit em as Produzent dat Unplanned Mixtape op un bröch't in'n September 2009 ruut. Sünnerlich Leder as "The Town" un "Keep Marching" worrn begäng.

In'n Dezember 2009 verapentlich he de "VS. EP" un in'n Oktober 2010 de överarbeidte "VS. Redux - EP", vun de vele Leder ook in't Radio speelt worrn. Dat Leed "Otherside" belücht Haggerty sien verleden Tied mit Drogen un worr in de Kritik good beweert. De internatschonaal-aktive "Agency Group", de al Gruppen as A Tribe Called Quest vertreden dee, hett em sietdat opnahmen.[2]

Haggerty sien Broder is Engelschlihrer in Argentinien un sien Öllers ünnerstütt sien musikaalsche Karrier siet Beginn.

Nadat he Anfang 2011 een lütte Tour möök, tourt he vun Oktober bet Dezember 2011 dör Grootbritannien, Irland un Noordamerika.

Diskografie[ännern | Bornkood ännern]

  • 2000: Open Your Eyes (as "Professor Macklemore")
  • 2005: The Language Of My World
  • 2009: The Unplanned Mixtape
  • 2009: VS. EP
  • 2010: VS. Redux - EP
  • 2012: The Heist (mit Ryan Lewis)
  • 2017: Gemini
  • 2023: Ben

Enkelnawiesen[ännern | Bornkood ännern]

  1. Seattle rapper Macklemore ready to take a shot at pop stardom (engl.)
  2. Macklemore - The Agency Group (engl.)

Weblenken[ännern | Bornkood ännern]