Lu Xun

Vun Wikipedia
Luxun, Fotografie von 1930

Lu Xun (鲁迅 un 魯迅=Lǔ Xùn, an un for sik 周樹人=Zhōu Shùrén; *25. September 1881 in Shaoxing; † 19. Oktober 1936 in Shanghai) weer en Schriever un en Intellektuellen ut China. He is en vun de wichtigsten Schrievers in dat 20. Johrhunnert in China ween. Dat gifft veel Lüde, de meent, he harr de Grundlaag för de moderne chinees'sche Literatur leggt. Schreven hett he in Baihua (白話) un ok in Klassisch Chinees'sch. Lu Xun hett Kortgeschichten schreven, he weer Rutgever, Översetter, Kritiker, Essayist un Dichter. In de 1930er Johren is he ankeken wurrn as Hööft vun de chinees'sche Liga vun Schrievers vun'n linken Flögel in Shanghai.

Vun 1914 bit 1918 is Lu Xun in Peking ween un is dor, tohopen mit de Intellektuellen vun de Grupp vun den veerten Mai an de Peking-Universität (Beida) gegen Imperialismus un ole Traditschonen tokehr gahn. He hett en Hümpel Kortgeschichten rutbröcht unner den Naam Roop to'n Striet un Up de Söök. Dor hett he open över den sozialen Striet in schreven. Em güng dat üm de Fraag na de Klass, wo de Figuren tohöörn döen un dor üm, dat he de Gedanken vun de Upklärung ümsetten woll. Ok hett he sik mit Japan sien Imperialismus ut'neen sett.

Mao Zedong hett sien Leevdag veel vun düssen Schriever holen.