Leif Eriksson

Vun Wikipedia
Wesseln na: Navigatschoon, Söök
Hoetger sien Bild vun Leif Eriksson an dat Klockenspeel-Huus in de Böttcherstraten in Bremen

Leif Eriksson (ieslannsch: Leifur Eiríksson; * um 970 rüm in Iesland; † um 1020 rüm) weer en Updecker ut Iesland. Sien Binaam is „de Glückliche“ (ieslannsch: Leifur heppni).

Leven[ännern | Bornkood ännern]

Leif Eriksson is üm 970 rüm as Söhn vun Erik de Rode up Iesland boren. Sien Grootvadder weer Thorwald Asvaldson. Twaars steiht dat in keen oolt Dokument to lesen, dat he up Iesland boren is, man antonehmen is dat doch. Un dat kümmt so: Twuschen de Tiet, wo sien Vadder na Gröönland översiedelt is un de Tiet, wo he süms an den Hoff vun den König na Norwegen föhrt is, liggt bloß twolf Johren. He mutt also al up'e Welt ween hebben, ehr de Vadder na Gröönland güng. Vunwegen dat sien Vadder eerst up Iesland heiraat' hett, is kloor, dat he eerst boren wurrn is, nadem sien Vadder ut Norwegen utbüxt weer. He keem mit sien Vadder mit, as de na Westen seilen dö, weil de denn ok noch ut Iesland verbannt weer. Dor harr en Mann dootslahn. So kemen de beiden na Gröönland.

Amerika warrt funnen[ännern | Bornkood ännern]

Üm dat Johr 1000 rüm seil Leif mit bi 35 Mann noch mol los un sett sien Foot, wohrschienlich as eersten Mann ut Europa, up amerikaanschen Grund. Woll seggt de Gröönlandsaga, dat Bjarni Herjólfsson Amerika „funnen“ hett, man Adam vun Bremen schrifft in siene Gesta Hammaburgensis ecclesiae pontificum (Wat de Bischöpp vun Hamborg maakt hefft), dat weer Leif ween, de as eersten dor ween is. Dat gifft avers ok Henwies, dat unbekannte Ieslänners al üm 985 rüm in Noordamerika anlannt sünd.

Leif hett noch annere Kuntreien an de Küsten vun Noordamerika unnersöcht. Dormank sünd Helluland ween (dat is de Baffin-Insel), dat Markland (wohrschienlich Labrador un tolest noch Viland, wat ok later noch en Rull speelt hett. Wo genau Vinland weer, kann hüdigendags nich seker seggt weern, man annahmen warrt meist, dat sik dat dor bi um Neepundland hanneln deit.

Leif sien Broder hett noch verscheden annere Fohrten unnernahmen. Dor is he avers bi in Striet kamen mit de Uurinwahners vun dat Land. To düsse Indianers hefft de WikingersSkraelingers“ seggt. Leif sien Broder is vun en Piel drapen wurrn un dor denn an storven. Liekers hefft bi 150 Gröönlänners dat Land besiedelt, dormank weern 16 Froonslüde. Man amenne hefft se sik in den Striet mit de Indianers nich duurhaftig dörsetten konnt.

Kaart över Wikingers ehre Fohrten

Neefundland[ännern | Bornkood ännern]

In L’Anse aux Meadows up Neefundland is in de 1960er Johren en Wohnsteed vun Wikingers utbuddelt wurrn. Dat warrt annahmen, dat se torüchgeiht up Leif Eriksson. Lange Tiet hefft de Forschers dacht, de Naam vun „Vinland“, de harr wat to kriegen mit dat ooltnoordsche Woort „Vin“, wat „Wien“ bedüden deit. Dorüm hefft se dat Land veel wieter in’n Süüden söcht, in Kuntreien, wo Wiendruven wassen doot. Man siet de Buddelee up Neefundland warrt annahmen, „Vin“ harr ehr wat mit dat Woort to doon, wat ooltnoordsch „Weiden“ bedüden deit.

Ehrungen[ännern | Bornkood ännern]

Borns[ännern | Bornkood ännern]


Weblenks[ännern | Bornkood ännern]