Laway

Vun Wikipedia
Laway bi dat Upföhren van „Dusend Dalers“ in d’Sömmer 2006.

Laway is en Musikkoppel ut Oost-Freesland, de modeern Folk-Musik mit Texten up oostfreesk Platt maken deit. Well to de Koppel hören deit, dat annert sük faken, man dat gift de Grupp al siet 1979 un de hele Tied was Gerd "Balou" Brandt (* 1954 in Holtermoor) daarbi. De Grünnsliddmaaten weern Gerd Brandt, Holger Kaiser (later henn: Ballermann), Wolfgang Höfer un Peter Voltin.

De Naam „Laway“ geiht up de Uproor un Arbeidsstried van de Diekwarkers in 18. un 19. Johrhunnert torügg. Besünners bekennt wurr de Koppel för hör Wark bi de Störtebeker-Freeilüchtspölen in Marjenhaaf. Siet 1996 hett Laway de Musik to dat Theaterspööl bidragen un siet 2001 worden de Leedjes van de Koppel ok bi elke Upföhren spöölt. Nettso mook Laway de Musik för dat Freeilüchtspööl „Dusend Dalers“ in Ollersum in dat Jahr 2006.

In Jahren 2006 un 2007 harr dat Leed „Freje Wind de Wulken weiht“ van Laway en hoge Platz in de bekennde Osterhitparade „Das Gelbe vom Ei“ van de nedersasske Radiosender FFN. In dit Hitparade sünd meestied Rock- un Pop-Leedjes. Man 2006 un 2007 gaff dat en Uproop, dat all Fresen in Nedersassen för dat Leed hör Stimm offgeven, umdat dat Leed van de Freeske Freedom vertellt. So kwam dat Leed up de Platzen 180 (2006) und 162 (2007) van 750 Musikstücken. To de Tied weer de Besetzung: Gerd Brandt, Jörg Fröse, Petra Fuchs, Tilo Helfensteller un Keno Brandt. Helfensteller und Keno Brandt sünd in de Loop vun dat Johr 2013 utscheeden, dorför wurr Jörgen Lang nee haalt.

Laway 2012 in Wittmund (vörn vun links Petra Fuchs, Tilo Helfensteller, achtern vun links: Jörg Fröse, Keno Brandt, Gerd "Ballou" Brandt

Diskografie[ännern | Bornkood ännern]

  • Laat jo nich unnerkriegen (1983)
  • För’t lieke Deel - Störtebeker I (1996)
  • Windgesang (1997, mit Jan Cornelius)
  • Wattenseeland (1998, tosamen mit verscheden anner Muskanten)
  • Een för all un all för een - Störtebeker II (1999)
  • Winterleed (2001)
  • Gold, Füür un Isen - Störtebeker III (2002)
  • Freje Wind - Störtebeker IV (2005)
  • Haartleed (2006, Musik för „Dusend Dalers“)
  • Seils ut Sülver - Störtebeker V (2008)
  • Brood un Rosen (2009, Musik för "Törf un Strom")

Priesen[ännern | Bornkood ännern]

  • Pries van de Dütske Schallplattenkritik (1983)
  • Winner van de Pries van d’ Festival „Menschen und Meer“ (1985)
  • Bad-Bemsen-Pries (2003)

Weblenken[ännern | Bornkood ännern]