Lars Ulrich

Vun Wikipedia

Lars Ulrich (* 26. Dezember 1963 in Gentofte in Däänmark) spöölt dat Slagtüüch bi de Metalband Metallica. He hett se tosaam met James Hetfield grünnt. He hett uk den Naam van düsse Band utsocht. De Band hett ehren Naam kregen, as Lars Ulrich mit sien Macker Ron Quintana tohopenseten hett un de beiden söchen een Naam för en Fan-Tietschrift för Metal-Frünnen, de Quintana nee upmaken wull. Quintana hett Ulrich en List mit Naams geven, he sall mol seggen, wat de Beste för de Tietschrift weer. Ulrich dach, Metallica weer woll de beste Naam. Man bi Quintana hett he meent, düsse Naam düch jo wall rein gor nix, he soll man en annern nemm. Dor hett de Tietschrift den Naam Metal-Militia kregen un Ulrich kunn Metallica för siene ne’e Band nehmen.

Lars Ulrich was all äs Blaag up ’n Rockkonzert van Deep Purple (1973), un van dor up an wull ’e uk metmaken. In siene fre’e Tiet hätt he uk noch Tennis spöölt. Sien Vader Torben Ulrich höör ’n Jazz-Club an un was een professchoneller Tennisspeeler wat Lars toeerst ok warrn wull.