Kurt Gscheidle

Vun Wikipedia
Wesseln na: Navigatschoon, Söök

Kurt Gscheidle (* 16. Dezember 1924 in Stuttgart; † 22. Februar 2003 in Saarbrücken) weer en düütschen Politiker vun de SPD.

He weer van 1974 bit 1980 Bundsminister för Verkehr, Bo- un Wohnungswesen un van 1974 bit 1982 Bundsminister för Post un Telekommunikatschoon.

Utbilden un Berop[ännern | Bornkood ännern]

Van 1939 bit 1942 hett Gscheidle en Utbilden to’n Fienmechaniker bi de Düütsche Riekspost absolveert. Dornah hett he as Suldat an den Tweeten Weltkrieg deelnommen. Eerst 1948 keem he ut de Kriegsgefangschaft rut un weer dornah in’ Postdeenst as Fernmeldemachniker tätig. Van 1950 bit 1951 hett he en Studium an de Sozialakademie in Düörpm absolveert un den keem noch en Utbilden to’n REFA-Ingenieur.

Van 1953 bit 1957 weer he de Baas vun dat Sekretariat för Technik un Weertschap vun de Düütsche Postgewerkschap (DPG) in Bonn un van 1957 bit 1959 Stellvertretend Bundsvörsitter vun de DPG.

Partei[ännern | Bornkood ännern]

Siet 1956 weer he Lidmaat vun de SPD.

Afgeordneter[ännern | Bornkood ännern]

Van 1961 bit 1969 as ok van 1976 bit 1980 weer Gscheidle Lidmaat vun de Düütsche Bundsdag. Van 1962 bit 1969 hörr he to de Vörstand vun de SPD-Bundsdag-Fraktschon.

Apenlich Ämter[ännern | Bornkood ännern]

Van 1969 bit 1974 weer he Staatssekretär in’t Bundsministerium för Post un Telekommunikatschon.

An’ 16. Mai 1974 wurr he as Bundsminister för Verkehr un Bundsminister för Post un Telekommunikatschon in de vun Bundskanzler Helmut Schmidt föhrt Bundsregeeren beropen. Nah de Bundsdagswahl 1980 weer he denn blots noch Baas vun dat Bundsministerium för dat Post- un Fernmeldewesen. As se dat Kabinett noch mal ümbildt hebbt, is he an’ 28. April 1982 ut de Bundsregeeren utscheeden.

Sonstiges[ännern | Bornkood ännern]

Bekannt wurrn is he ünner Philatelisten dör de sogenannte Gscheidle-Breefmaark, ok as Gscheidle-Verseen betekend. Dör en Missgeschick vun sien Fru, de Vorlagestücke för de Postminister för ehr privaat Korrespondenz bruukt harr, keemen 1982 eenig Exemplare vun de Sonnermaark to de Olympisch Spelen 1980 in Moskau in Umloop. Wiels de Spelen boykotteert wurrn, wurr de Breefmark aber nie offiziell rutgeven. De paar Expemplare sünd nu natüürlich düür.

Weblenken[ännern | Bornkood ännern]