Konstantin I. (Schottland)

Vun Wikipedia
Wesseln na: Navigatschoon, Söök
Konstantin I.

Konstantin I. (Causantín mac Cináeda; * 836, † 877) weer König vun Schottland vun 863 bit 877 un folg up sien Onkel Donald I..

He weer de Söhn vun König Kenneth I.. As he König weer, harr he veel mit Krieg to kriegen. De ganze Tiet möss he gegen de Wikingers gegenan gahn. He versöch ok, dat schottsche Königriek wieder nah Süden to ut to breden. 864 hefft de Wikingers vun Dublin ut angrepen. jem ehr Anföhrer weer Olaf de Witte. Konstantin hett em ünner kregen un hett ok noch gegen de Truppen vun Thorsten den Roden wunnen. 872 hett Konstantin sien Swager Rhun henrichten laten. Up düsse Aart konn he den sien Königriek Strathclyde an sik rieten.

Schoonst he up dat Slachtfeld goot Bescheed wüss, hett he siene Fienden faken ok eenfach betahlt, dormit dat bi'n Freden bleev. Dat hefft em de engelschen Königen later afkeken, besunners Æthelred II. üm dat Johr 1000 rüm.

Amenn hefft de Wikingers em doch unnerkregen. Lüde ut Dublin weern up de Halfinsel Fife ankamen un wollen dat Land utplünnern. Jem ehr Naam weer „De swarten Frömden“. As he jem verdrieven woll, is Konstantin 877 in en Slacht bi de „Swarte Höhl“ (Inverdovat) in Forgan ümkamen. Sien Broder Aedh is sien Nahfolger wurrn.

Konstantin hett en Söhn harrt. Sien Naam weer Donald. Nah de Johren, wo Eochaid un Giric gemeensam regeert hefft, is he as Donald II. up Schottland sien Throon stegen.

Weblinks[ännern | Bornkood ännern]