Kieler Week

Vun Wikipedia
Kieler Haven mit Grootseilers (2006)

De Kieler Week is een Seilregatta in Kiel, welk dat elket Johr gifft. Se is dorbi een vun de gröttste Seilsportveranstalten up de Welt. Siet een por Johrteinten is de Kieler Week ook een grotet Volksfest mit enen helen Programm vun Veranstalten un Live-Musik.

De watersportliche Afsluss is siet 1996 elket Johr de Windjammerparaad mit Tradischoonsseilers un 'n Barg lütte Seilers. De Kieler Week sülvst gaht mit een Hööchdenfüürwark (Sternenzauber über Kiel) to End.

Tied un Afloop[ännern | Bornkood ännern]

De Kieler Week is in de laatsten Juni-Week de heel un deel is un warrt an 's vörlaatstes Juni-Sünnavends mit den Holstenbummel un den Glasen offischiel upmaakt. Man inoffischiel warrt se mit den Soundcheck an 's Freedags upmaakt.

Geschicht[ännern | Bornkood ännern]

An's 23. Juli (Haumaand) 1882 kömen 20 Shipp in Gang to een Regatta vör Düsternbrook.[1] Un wiel dat een groten Erfolg was, wöör de achteranfolgenen Johr dat nochmol maakt. Un nu twee Johr later weern de Regatten de heel Week över afhoolt. To sienen Namen is de Kieler Week kamen, dordör dat een Journalist düsse in 't Johr 1894 so nannt hett. 1889 hett de Kaiser Wilhelm II. de Kieler Week to'n ersten Mol besöökt. Twintig Johren later (1892) gifft 't to'n ersten Mol 100 Anmellen vör.

Ook de Kaiser hett nu de Kieler Week elket Johr mit sienen Schipp, de Meteor, besöökt un bi de Kieler Week 1895 wöör de Kaiser-Wilhelm-Kanaal (Nu de Noord-Ostsee-Kanaal) fastlich upmaakt. Mit dat Upmaken vun de ne'en Slüüs vun de Kaiser-Wilhelm-Kanaal geev dat wieder wat to'n Fieren, man wöör dat ook de laatste Kieler Week. Se geev dat nich wieldes des Kriegs vun 1915 to 1919. Na de Krieg un wieldes des Tieds vun den Nationaalsotschalismus geev dat 'n Barg Propaganda un de Seilsportveranstalten was achterndraan. Un mang 1940 un 1944 hett se dat ook wieder nich geten. De Nafolger vun de Kieler Week wöör de Kiel-Week vun de Briten, man ahn dat de Düütschen dor mitmaakt hebbt. 1947 geev dat Kiel im Aufbau, man dat wöör ahn de Seilsportveranstaltendeel. Kiel im Aufbau wöör noochmol in's Johrs 1948 maakt un ditmol mit 'n Seilsport. Siet 1949 gifft 't wieder de normale Kieler Week un 1950 hett Theodor Heuss de Kieler Week upmaakt, as de eerste Bunnspräsident. Siet de tweten olympschen Spelen in Kiel 1972 gifft 't ook de Windjammerparaad.

Weblinks[ännern | Bornkood ännern]

Kieler Week. Mehr Biller, Videos oder Audiodateien to’t Thema gifft dat bi Wikimedia Commons.

Enkelnawiesen[ännern | Bornkood ännern]

  1. http://www.ndr.de/geschichte/schauplaetze/kielerwochegeschichte2.html Von der Freundschaftsregatta zum Großereignis, NDR Online vom 11. Juni 2008, abgerufen am 21. Juni 2013