Karl Ludwig Hencke

Vun Wikipedia
Wesseln na: Navigatschoon, Söök

Karl Ludwig Hencke (* 8. April 1793 in Driesen; † 21. September 1866 in Margewarder) weer en düütsch Amateurastronom un Opdecker vun twee Asteroiden.

1813 truck Hencke as Freewilliger in de Krieg tegen Napoléon Bonaparte, wurr aber all in de Slacht vun Großgörschen erheblich verwund. Later henn weer he an verscheeden Öört in Preußen as Postsekretär tätig, toletzt in Friedeberg in de Neumark. Siet 1837 weer he in Ruhestand un kunn sück vull un ganz sien Lieblingsbeschäftigung, de Astronomie widmen.

An’ 8. Dezember 1845 hett he de fieften Asteroiden vun uns Sünnsystem Astraea opdeckt. Bemarkenswert is, dat siet dat Opdecken vun den veerten Asteroid Vesta in dat Johr 1807 meest veertig Johr vergahn weern. 1847 hett Hencke ok den sössten Asteroiden opdeckt, de he Hebe döfft hett. Disse beid Opdecken hebbt Anlaat geben, noch mehr Beobachtungen to maken un dornah wurrn ok tatsächlich völ Asteroiden opdeckt.

Hencke hett ok een von de Berliner akademisch Steernkoorten bearbeid.

Karl Ludwig Hencke is an’ 21. September 1866 up en Reis bi Margewarder storven.

Kiek ok[ännern | Bornkood ännern]

List vun de Asteroiden/1–500