Joschkar-Ola

Vun Wikipedia
Wesseln na: Navigatschoon, Söök

Joschkar-Ola is de Hööftstadt vun de Republiek Mari El in Russland (Föderatschoonskreis Wolga). De Stadt hett 253.407 Inwahners (Stand 1. Januar 2005). Binnen Mari El is Joschkar-Ola ene kreisfre’e Stadt.

Historie[ännern | Bornkood ännern]

De Stadt is 1584 as Militärlager vun de Russen grünnt worrn. 1897 weer dat noch ene lütte Stadt mit 1650 Inwahners, fief Karken un een Krankenhuus. In’n russ’schen Börgerkrieg weer de Stadt Zentrum vun de Witten, de gegen de kommunistsche Revolutschoon weren. Hööftstadt is Joschkar-Ola sietdem 1920 Mari El grünnt worrn is.

Naam[ännern | Bornkood ännern]

De Naam bedüüdt rode Stadt in de Spraak vun de Mari, de dor ehr Heimat hebbt.

Toeerst heet de Stadt Zarjow Gorod, den Zar sien Stadt. Dat geev noch mehr Städer, de to de Tiet dissen Naam dregen un so hebbt se ehr ok faken Zarjow Gorod na Kokschage nöömt, de Zarstadt an’n Stroom Malaja Kokschaga. Dor is denn mit de Tiet de tosamentrockene Form Zarjowokokschaisk vun worrn. Na de Revolutschoon in Russland müchen se den Naam aver nich mehr lieden un hebbt de Stadt ümdöfft op Krasnokokschaisk, wat vun den 17. Februar 1919 af an de offizielle Naam weer. Den 23. Januar 1928 hett de Stadt denn den Naam kregen, den se hüüt ok noch driggt, Joschkar-Ola.

Inwahnertall[ännern | Bornkood ännern]

Johr Inwahners
1897 1.656
1989 241.601
2002 256.719
2005 259.540

Weertschop[ännern | Bornkood ännern]

Dat Trolleybus-System is den 1. Februar 1971 opmaakt worrn.

Kultur[ännern | Bornkood ännern]

Natschonaltheater vun Joschkar-Ola

De Universität Joschkar-Ola gifft dat siet 1972.

En Kooperatschoonsverdrag besteiht mit Kischinau in Moldawien.

Weblenken[ännern | Bornkood ännern]

Commons-logo.svg Yoshkar-Ola. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:56° 38′ N, 47° 52′ O