Johnny Dodds

Vun Wikipedia

Johnny Dodds (* 12. April 1892 in Waveland, Mississippi; † 8. August 1940 in Chicago, Illinois) weer en US-amerikaansch Jazz-Klarinettist vun den New Orleans Stil.

He truck noch as Kind nah New Orleans, wo he vun Lorenzo Tio Klarinettünnerricht kreeg un 1912 bit 1919 in Kid Ory sien Band speel, dornah bi Fate Marable up sien Schaufelraddamper-Orchester un 1920 bi King Oliver, mit de he 1921 in Kalifornien wer un 1923 nah Chicago gung (Upnahmen mit de sien Creole Jazz Band un mit King Olivers Jazz Band). Later hett he Alcide Nunez as Klarinettisten in de Huus-Band vun Kelly’s Stables ersett, wo he ok Bandleader weer (in de Band speel u. a. Freddie Keppard un sien Bröer Baby Dodds). Mit sien jüngeren Bröer Baby Dodds speel he ok in de Hot Five un Hot Seven Aufnahmen vun Louis Armstrong. Wiedere Upnahmen hett he ünner annern mit Lil Hardin Armstrong (Lill´s Hot Shots) un Jelly Roll Mortons Red Hot Peppers. Mit sien Black Bottom Stompers, to de Armstrong, Roy Palmer, Barney Bigard, Earl Hines, Bud Scott un Baby Dodds hörrn deen, gelung hüm sien eenzig Chart-Erfolg mit de „Wild Man Blues“ för Brunswick, de in’ Oktober 1927 de Billboard Top 30 schaff.

In‘ Gegensatz to völ anner Chicago-Musiker truck hüm dat in de 1930er Johren nich nah New York. He hett eegen Bands leit (faken mit den befrüendten Trompeter Natty Dominique un sien Bröer), mit de he ok Upnahmen makt hett, un harr während de Depression en Taxi-Ünnernehmen mit sien Bröer. Wegen sien schlecht Gesundheit gifft dat man blots wenig Upnahmen ut de 1930er Johren (eerst af 1938, as he all temelk krank weer). In‘ Gegensatz etwa to de to glieker Tiet warkend Jimmie Noone harr he en emotionaleren, blues-laaden Stil, de good in de Tosommenarbeit mit Armstrong to Geltung keem. He speel as völ fröh anner Jazzklarinettisten en Klarinett mit düütsch Greepsystem.

Ehrungen[ännern | Bornkood ännern]

1988 wurr Dodds in de Big Band and Jazz Hall of Fame upnommen un is ok in de American Jazz Hall of Fame upnommen wurrn.

Literatur[ännern | Bornkood ännern]

  • G. Lambert Johnny Dodds, 1961
  • Bernard Klatzko Johnny Dodds - Clarinet in Blue (in 78 Quarterly, Vol. 1, No. 10)
  • Klaus-Uwe Dürr The Recordings of Johnny Dodds, Hamburg/G., 2000

Weblenken[ännern | Bornkood ännern]