Johann Anton Fischer
Johann Anton Fischer (* üm 1743 in Heien; † 27. November 1817 in Oosterholt[1]) weer en düütschen Verwaltungsbeamten.
Fischer is üm 1743 as Söhn von Johann Carl Fischer boren. He hett sik an’n 15. Oktober 1762 för en Studium von de Juristeree an de Universität Göttingen inschreven.[1] Na dat Studium is he 1765 Auditer bi dat Amt Niestadt worrn.[1] Von dor is he 1767 na dat Amt Blumenau un 1768 na dat Amt Bremervöör wesselt.[1] 1772 is he to’n Amtsschriever opstegen un keem in dat Amt Oosterholt.[1] Dat is he bet 1789 bleven un denn Titulär-Amtmann worrn.[2] Von 1791 bet 1805 weer he Amtmann in dat Amt Otterbarg[3] un denn von 1805 bet to sien Dood 1817 in dat Amt Oosterholt.[1]
Fischer hett an’n 22. August 1776 in Hagen Sophie Antoinette Henriette Plumeyon (1751-1. Mai 1807; Dochter von Johann Heinrich Andreas Plumeyon) freet.[1] De beiden hebbt acht Kinner hatt, ünner annern Julius Andreas Anton, Johanne Caroline (1779–6. November 1811), Dorothea un Johann Caspar Peter.[1] He liggt in Oosterholt begraven.
Warken[ännern | Bornkood ännern]
- Kurze Lebensbeschreibung des Moorcommissarii J. Chr. Findorff sammt Nachricht von einem ihm errichteten Monumente. 1797
Footnoten[ännern | Bornkood ännern]
- ↑ a b c d e f g h Hans-Cord Sarnighausen: Amtsjuristen von 1717 bis 1866 in Osterholz bei Bremen. In: GENEALOGIE. Deutsche Zeitschrift für Familienkunde. 1/2015, Sieden 366–390
- ↑ Annalen der Braunschweig-Lüneburgischen Churlande. Band 3, Sied 991
- ↑ Annalen der Braunschweig-Lüneburgischen Churlande. Bänn 3-5, Pockwitz, Hannover 1791, Sied 787