Jens-Rainer Ahrens

Vun Wikipedia

Jens-Rainer Ahrens (* 22. August 1938 in Hamborg) is en düütschen Politiker von de SPD.

Ahrens is 1938 in Hamborg boren un hett na de Mittlere Reife in Winsen denn en Lehr as Bookhändler maakt un is na Avendgymnasium gahn. 1961 hett he dat Abitur maakt un anfungen, an de Universität Hamborg Weertschopswetenschoppen un Soziologie to studeren. 1970 is he wetenschoplichen Assistent an dat Seminar för Sozialwetenschoppen worrn un hett 1972 sien Dokter maakt.

1976 is Ahrens Perfesser för Soziologie in Hamborg an de Helmut-Schmidt-Universität von de Bundswehr worrn. He is in de Gewerkschaft ÖTV (vondaag Ver.di) ringahn un weer bi de Arbeiterwohlfahrt un von 1965 af an in de SPD. In de 7. bet 11. Wahlperiood (von’n 21. Juni 1970 bet 20. Juni 1990) weer he as Afornten in’n Landdag von Neddersassen. Von’n 15. September 1978 bet 20. Juni 1990 weer he ok Vörsitter von’n Kultusutschuss in’n Landdag.

1991 is he in’n Kreisdag von’n Landkreis Horborg wählt worrn un weer dor ok von 1996 bet 2001 Landraad. Na dat Enn von de Dubbelspitz hett he dat Amt an Norbert Böhlke afgeven. He weer denn von 2001 af an Vörsitter von de SPD-Frakschoon in’n Kreis.

Ahrens is verheiraadt un hett een Söhn.

Weblenken[ännern | Bornkood ännern]

Infos över Ahrens op de Websteed von de SPD Landkreis Horborg (hoochdüütsch)